ដោយមានកាន់បដាគ្រប់ៗដៃ បាតុករបានសរសេរនៅលើនោះ ដោយបង្ហាញពីអារម្មណ៍របស់ពួកគេទាក់ទងនឹងគ្រប់យ៉ាងអំពីការបន្ថយអតិផរណា រហូតដល់ការជំរុញឱ្យរដ្ឋាភិបាលបិទរោងចក្រថាមពលនុយក្លេអ៊ែរដែលប៉ះពាល់ដល់បរិស្ថាន និងទាមទារការឧបត្ថម្ភបន្ថែមទៀតសម្រាប់អ្នកក្រីក្រ។
យោងទៅតាមអង្គការ Greenpeace ដែលជាអ្នករៀបចំបាតុកម្មនេះឡើង មានមនុស្សសរុបប្រហែល ២ម៉ឺន៤ពាន់នាក់បានមកចូលរួម។ ក្នុងនោះរួមទាំងប្រហែល ៦ពាន់ នៅទីក្រុងប៊ែកឡាំង ៥ពាន់នាក់នៅទីក្រុងឌូសេលដហ្វ និងហ្វ្រេងហ្វឺត ហើយ៤ពាន់នាក់ទៀតនៅក្រុង ស្ទូហ្កាត។ ប៉ុន្តែទិន្នន័យពីមន្ត្រីប៉ូលីសបាននិយាយថា អ្នកតវ៉ាមានប្រហែលពី ១៨០០ ទៅជិត៣០០នាក់ប៉ុណ្ណោះ បានប្រមូលផ្តុំគ្នានៅទីក្រុងនីមួយៗ។
អត្ថបទគួរអាន
ជាសហជីពមួយក្នុងចំណោមសហជីពដែលរៀបចំការតវ៉ានេះដែរបាននិយាយថា ប្រជាជនដែលមានប្រាក់ចំណូលទាបត្រូវការការគាំទ្រច្រើនជាងអ្នកមាន។ យើងចង់បង្ហាញឱ្យមេដឹកនាំឃើញថា យើងត្រូវការជំនួយជាបន្ទាន់ផ្នែកហិរញ្ញវត្ថុសម្រាប់ប្រជាពលរដ្ឋដែលងាយរងគ្រោះក្នុងសង្គម។
គួរជម្រាបថា សភារបស់ប្រទេសអាល្លឺម៉ង់កាលពីសប្តាហ៍មុនបានអនុម័តកញ្ចប់សង្គ្រោះចំនួន ២០០ពាន់លានអឺរ៉ូ ឬស្មើនឹងជាង១៩៥ពាន់លានដុល្លារ មានគោលបំណងការពារក្រុមហ៊ុនឯកជន និងក្រុមគ្រួសារពីផលប៉ះពាល់នៃការកើនឡើងតម្លៃថាមពល។ កញ្ចប់ជំនួយនេះ នឹងបែងចែកទៅក្រុមគ្រួសារ និងអាជីវកម្មខ្នាតតូច និងមធ្យមដើម្បីបន្ធូរបន្ថយការចំណាយថាមពល ខណៈយន្តការកំណត់តម្លៃថោកជាងមុន នឹងចាប់ផ្តើមពីខែមីនា។
អតិផរណានៅអាឡឺម៉ង់ក្នុងខែកញ្ញាបានឈានដល់កម្រិតខ្ពស់បំផុតរបស់ខ្លួនក្នុងរយៈពេលជិត៣០ឆ្នាំចុងក្រោយនេះជាមួយនឹងអត្រា ១០,៩% ដែលជំរុញដោយថ្លៃថាមពលខ្ពស់កប់ពពក៕
