តាមសេចក្ដីប្រាកាសដដែលនេះបានឲ្យដឹងថា ក្រសួងវប្បធម៌ និងវិចិត្រសិល្បៈបានទំនាក់ទំនងទៅ និងសហការជាមួយឯកអគ្គរាជទូតព្រះរាជាណាចក្រកម្ពុជាប្រចាំនៅប្រចាំនៅប្រទេសថៃដើម្បីធ្វើការស្រាវជ្រាវ និងប្រមូលព័ត៌មានបន្ថែមដើម្បីស្វែងរកព័ត៏មានមួយជាក់លាក់ទៅលើបញ្ហាមួយនេះ។ ក្រោយពីការតាមដានកន្លងមកភាគីខាងកម្ពុជាបានទទួលបាននូវព័ត៌មានជាបឋមដូចជា៖
១,សំណង់ប្រាសាទមួយនេះជាប្រភេទសំណង់ប្រាសាទបែបថ្ម ហើយសំណង់នេះធ្វើពីថ្មភក់នៅផ្នែកខាងក្រៅនិងចាក់បេតុងបង្កប់ដែកនៅផ្នែកខាងក្នុងដែលមានទីតាំងសិ្ថតនៅក្នុងវត្តពុទ្ធបាទសិលាភូម៉ានហ្វា នៃភូមិណងបូឡាយ ឃុំបានស៊ីង ស្រុកណាងរីង ខេត្តបុរីរម្យ នៃព្រះរាជាណាចក្រថៃ។
អត្ថបទទាក់ទង
២, តាមរយៈឯកសារប្លង់សំណង់នានាព្រះចៅអធិការវត្តបានបញ្ជាក់ថា ការសាងសង់ប្រាសាទមួយនេះ មិនបានលួចចម្លងពីប្រាសាទអង្គរវត្តរបស់ខ្មែរនោះឡើយ ពោលគឺសាងសង់ទៅតាមគំរូប្លង់ដោយខ្លួនឯង និងរចនាទៅតាមសា្ថបត្យកម្មប្រាសាទមួយចំនួននៅតំបន់នោះ។
៣, តំណាងអ្នកសម្របសម្រូលនៃគម្រោងស្ថាបនាប្រាសាទក៏បានទទូលស្វាគមន៍ក្នុងការស្នើឲ្យមន្ត្រីជំនាញផ្នែកសា្ថបត្យកម្មកម្ពុជាចុះពិនិត្យដោយផ្ទាល់បានក្នុងករណីសង្ស័យ។
គួរបញ្ជាក់ថា តាមរបាយការណ៍ដែលខាងភាគីកម្ពុជាទទួលបានខាងលើនេះ ក្រសួងវប្បធម៌ និងវិចិត្រសិល្បៈ នឹងនៅតែបន្តធ្វើការតាមដានការងារនេះ ជាបន្តបន្ទាប់ដោយយកចិត្តទុកដាក់ដើម្បីជៀសវាងមានករណីខុសឆ្គងណាមួយនៅក្នុងបញ្ហានេះ៕
អត្ថបទ៖ ហួន ស្រីនីត
None
