ការស៊ើបអង្កេតនេះ ត្រូវបានធ្វើឡើងបន្ទាប់ពី មានការផ្ទុះការតវ៉ារបស់ ម្ចាស់អាជីវកម្មផលិត ស្ករ វៀតណាម ដែលបានអះអាងថា អាជីវកម្មនាំចេញ ស្ករ របស់ថៃ ទទួលបានការឧបត្ថម្ភពី រាជរដ្ឋាភិបាលថៃ ដែលធ្វើឲ្យ ពួកគេអាចលក់បញ្ចុះថ្លៃ ស្ករ នៅក្នុងប្រទេសវៀតណាម និងបង្កជាផលប៉ះពាល់ដល់ វិស័យឧស្សាហកម្មផលិត ស្ករ វៀតណាម។
ការនាំចូល ស្ករ ពីប្រទេសថៃ បានកើនឡើងដល់ទៅ ៦ដង ក្នុងរយៈពេល ៨ខែ ដើមឆ្នាំ ២០២០នេះ សរុបគឺប្រមាណ ៩៥ម៉ឺនតោន ដែលកាលពី ៨ខែ ឆ្នាំមុន មានប្រមាណ ១៤ម៉ឺនតោនប៉ុណ្ណោះ។
អត្ថបទទាក់ទង!
ម្ចាស់អាជីវកម្មផលិត ស្ករ វៀតណាម ដែលតំណាងដោយក្រុមហ៊ុនធំៗ ចំនួន ៦ បានអះអាងថា កំណើននៃការនាំចូលស្ករពី ក្រៅប្រទេស បានប៉ះពាល់ដល់ ផលិតកម្មរបស់ពួកគេ ធ្វើឲ្យធ្លាក់ចុះប្រមាណ ៣៣% ពោលគឺសម្រេចបានតែ ៨០ម៉ឺនតោន ក្នុងរដូវប្រមូលផលឆ្នាំ២០១៩-២០២០នេះ។
គួរបញ្ជាក់ថា វៀតណាម បានលុបចោលនូវពន្ធនាំចូល សម្រាប់ ស្ករ នាំមកពីបណ្តាប្រទេសអាស៊ាន ក្នុងឆ្នាំ ២០២០នេះ ផ្អែកទៅលើ កិច្ចព្រមព្រៀងពាណិជ្ជកម្មអាស៊ានស្តីពី ទំនិញ ក៏ប៉ុន្តែការស៊ើបអង្កេតនេះ គឺស្នើឲ្យតម្លើងពន្ធការពារការលក់បង្ខូចថ្លៃ ជិត ៣៨%ឯណោះ៕
None
