ដោយឡែក សម្រាប់ឆ្នាំ២០២១ ការិយាល័យគោលនយោបាយសារពើពន្ធ បានដំឡើងការព្យាករណ៍របស់ខ្លួនសម្រាប់កំណើនសេដ្ឋកិច្ចថៃជាមធ្យមឆ្នាំពី១% មក ១,២%វិញ ដែលក្រោយមើលឃើញពីកំណើនរឹងមាំនៃការនាំចេញ និងកញ្ចប់ថវិកាជំរុញកំណើនសេដ្ឋកិច្ចរបស់រដ្ឋាភិបាល គួបផ្សំនឹងកម្មវិធីចាក់វ៉ាក់សាំងជោគជ័យនៅក្នុងប្រទេស។
ទន្ទឹមនេះ លោក ផនឆៃ ធីរ៉ាវិចា បានឱ្យដឹងថា បំណុលគ្រួសារខ្ពស់ក្នុងប្រទេសថៃ មានចំនួនជាង ៨៩ភាគរយ នៃផលិតផលក្នុងស្រុកសរុបក្នុងត្រីមាសទី ៣ ឆ្នាំមុន ប៉ុន្តែទំនងជាមិនធ្វើឱ្យការប្រើប្រាស់ក្នុងស្រុកមានការធ្លាក់ចុះនៅឆ្នាំនេះទេ ដោយហេតុថា បំណុលទាំងនេះកើតចេញពីការចំណាយលើទំនិញ និងការប្រើប្រាស់មានកម្រិតទាប។
ក្នុងចំណោមបំណុលគ្រួសារសរុបក្នុងប្រទេសថៃ មាន២០% ជាបំណុលដែលកើតចេញពីការវិនិយោគក្នុងការធ្វើអាជីវកម្ម ខណៈដែលមានតែ ២៧% ប៉ុណ្ណោះ បានមកពីការចំណាយលើទំនិញ និងការប្រើប្រាស់ និង៥៣%ទៀត ត្រូវបានគេសន្មតថា ជាបំណុល ទាក់ទងនឹងការវិនិយោគលើអចលនទ្រព្យ និងការបង់ថ្លៃជួល និងទិញរថយន្តបង់រម្លស់ជាដើម។
អត្ថបទគួរអាន
តែយ៉ាងណាក៏ដោយចុះ ក្នុងស្ថានភាពមួយដែលមានការរីករាលដាននូវមេរោគបំប្លែងថ្មីអូមីក្រុងការិយាល័យគោលនយោបាយសារពើពន្ធ ព្យាករណ៍ថា មេរោគអូមីក្រុងនេះ នឹងធ្វើឱ្យប៉ះពាល់ដល់សេដ្ឋកិច្ចថៃនៅក្នុងត្រីមាសទីមួយ និងទីពីរក្នុងឆ្នាំនេះទេ។ ហើយលើសពីនេះទៅទៀត ចំនួនភ្ញៀវ ទេសចរបរទេសមកដល់ថៃត្រូវបានព្យាករថា នឹងមានចំនួន ៧ លាននាក់ នៅឆ្នាំនេះ។
សូមជម្រាបថា រដ្ឋាភិបាលមានប្រាក់ចំនួនជិត ៣ពាន់លានដុល្លារដែលនៅសេសសល់ពីការខ្ចីប្រាក់ចំនួនជិត ១៥ពាន់លានដុល្លារ ក្រោមច្បាប់ស្តីពីកម្ចីគ្រាអាសន្នលើកទីពីរ។
តែយ៉ាងណាក្ដី ការិយាល័យបាននិយាយថា ក្នុងចំណោមកត្តាហានិភ័យដែលសេដ្ឋកិច្ចថៃត្រូវប្រឈមមុខ គួរតែត្រូវបានត្រួតពិនិត្យយ៉ាងដិតដល់ ដូចជាទាក់ទងនឹងភាពមិនច្បាស់លាស់អំពីជំងឺរាតត្បាត ការប្រែប្រួលនៃស្ថានភាពសេដ្ឋកិច្ច និងហិរញ្ញវត្ថុពិភពលោក តម្លៃថាមពល និងតម្លៃប្រេងឆៅសកលជាដើម៕
អត្ថបទ ស៊ើង និមល់
None
