ក្រុមហ៊ុនថៃមួយនេះបាននិយាយថា វិស័យលក់ដុំនិងលក់រាយរបស់វៀតណាមបានកើនឡើង ៧ភាគរយ កាលពីត្រីមាសចុងក្រោយនៃឆ្នាំ២០២០ ហើយកំណើននេះទំនងជាកើតមានជាបន្តទៀតនៅឆ្នាំនេះ ដែលធ្វើឲ្យវៀតណាមក្លាយជាទីផ្សារមួយដ៏ទាក់ទាញបំផុតនៅក្នុងពិភពលោក ។
ក្រុមហ៊ុន Central Retail Corporation កាលពីឆ្នាំទៅមិញ បានបើកមជ្ឈមណ្ឌលផ្សារទំនើបធំៗចំនួន ៤កន្លែង នៅភាគកណ្ដាលនិងភាគខាងត្បូងប្រទេសវៀតណាម និងបានផ្លាស់ប្ដូរឈ្មោះ ផ្សារទំនើប Big C របស់ខ្លួនទៅជាឈ្មោះ "GO!" វិញ ។
អត្ថបទទាក់ទង
នៅឆ្នាំនេះ ក្រុមហ៊ុន Central Retail គ្រោងវិនិយោគជាង ២១០លានដុល្លារ ដើម្បីពង្រីកខ្លួនថែមទៀត ដោយបើកហាងលក់ទំនិញជាច្រើនកន្លែងនៅខេត្ត Thai Nguyen, Thai Binh និង Lao Cai ដែលនៅភាគខាងជើង និងខេត្ត Ba Ria-Vung Tau និង Tai Ninh នៅភាគខាងត្បូង នៃប្រទេសវៀតណាម ។
Central Retail Corporation មានមជ្ឈមណ្ឌលផ្សារទំនើប ៣៧កន្លែង និងហាងទំនិញ ២៣០កន្លែង នៅទីក្រុងនិងខេត្តចំនួន ៣៧ ក្រុមហ៊ុនផ្សារទំនើប Central Retail បម្រើអតិថិជនជាមធ្យម ១៧៥០០០នាក់ ក្នុងមួយថ្ងៃ ៕ ប្រភព ៖ VN Express
