ប្រធានកិត្តិយសនៃ សមាគមអ្នកនាំចេញអង្ករថៃ បានអះអាងថា កាលពីឆ្នាំ ២០១៩ ចិន នាំចេញអង្ករជាង ២លាន ៧សែនតោន និងគ្រោងនឹងចេញ ៣លាន២សែនតោន នៅក្នុងឆ្នាំ ២០២០នេះ ហើយនឹងបន្តពង្រីកការនាំចេញរហូតដល់ទៅ ៦លានតោន នៅក្នុងរយៈពេលដ៏ខ្លីខាងមុខ ដោយសារតែ ចិនបានដាំដុះអង្ករច្រើនប្រភេទ និងទទួលបានទិន្នផលខ្ពស់។
មិនមែនមានតែប្រទេសចិនមួយនោះទេ ដែលជាក្តីបារម្ភសម្រាប់ថៃ នៅមានប្រទេសមីយ៉ាន់ម៉ា ដែលកំពុងតែរីកចម្រើនខ្លាំង ក្នុងការនាំចេញអង្ករ ដោយគ្រោងនឹងនាំចេញ ២លានតោនក្នុងឆ្នាំ ២០២០នេះ ហើយពង្រីកការនាំចេញដល់ទៅ ៣លានតោន នៅក្នុងឆ្នាំ ២០២១ខាងមុខនេះ។
អត្ថបទទាក់ទង!
សមាគមអ្នកនាំចេញអង្ករថៃ បានបញ្ជាក់ថា បណ្តាប្រទេសដៃគូប្រកួតប្រជែងលើ វិស័យស្រូវអង្ករ បានចំណាយទុនច្រើនជាងប្រទេសថៃឆ្ងាយណាស់ទៅលើការស្រាវជ្រាវ និងអភិវឌ្ឍអង្ករ ដើម្បីពង្រឹងគុណភាព និងបរិមាណ ដែលធ្វើឲ្យអង្កររបស់ពួកគេ ស៊ីគ្នាយ៉ាងល្អឥតខ្ចោះជាមួយតម្រូវការទីផ្សារ។
លើសពីនេះ សមាគមក៏បានទម្លាក់ការព្យាករ នាំចេញអង្កររបស់ថៃ ពី ៧លាន ៥សែនតោន មកនៅត្រឹមតែ ៦លាន ៥សែនតោន សម្រាប់ឆ្នាំ២០២០នេះ ដែលតួលេខទាបបំផុត ក្នុងរយៈពេល ១០ឆ្នាំចុងក្រោយនៃការនាំចេញអង្កររបស់ថៃ។
គួរជម្រាបថា គិតត្រឹមឆមាសទី ១ ឆ្នាំ២០២០នេះ ថៃ បាននាំចេញអង្ករជាង ៣លាន ១សែនតោន ក្នុងទំហំទឹកប្រាក់ប្រមាណ ២ពាន់ ២រយលានដុល្លារអាមេរិក៕
None
