ឥណ្ឌា និងអូស្ត្រាលី មានគោលដៅជំរុញពាណិជ្ជកម្មរ៉ែដ៏សំខាន់របស់ខ្លួនឲ្យកាន់តែខ្លាំងក្លា
រដ្ឋមន្ត្រីក្រសួងពាណិជ្ជកម្មឥណ្ឌាលោក Piyush Goyal បាននិយាយកាលពីថ្ងៃសៅរ៍ ទី ១១ មីនា ថា ប្រទេសឥណ្ឌា និងអូស្ត្រាលីមានបំណងពង្រីកពាណិជ្ជកម្មក្នុង…
វិធានការរឹតបន្ដឹងថ្មីលើគណបក្សនយោបាយមុនការបោះឆ្នោតចូលមកដល់នេះ បានធ្វើឡើងនៅពេលដែលគណបក្សរួមថៃសាងជាតិ (United Thai Nation_UTN) បានបង្ហាញពីគោលនយោបាយធ្វើយុទ្ធនាការមួយចំនួនពាក់ព័ន្ធនឹងការចែកសាច់ប្រាក់ដល់អ្នកបោះឆ្នោតនៅមុនការបោះឆ្នោតសកល ដែលគ្រោងនឹងធ្វើនៅថ្ងៃទី១៧ ខែឧសភា។
ប្រភពមួយនៅគណៈកម្មាធិការរៀបចំការបោះឆ្នោតបាននិយាយថា គណបក្សនយោបាយអាចបង្ហាញពីគោលនយោបាយធ្វើយុទ្ធនាការ ដែលមិនទាមទារឱ្យចែកសាច់ប្រាក់ដរាបណាពួកគេអនុវត្តត្រឹមត្រូវតាមនីតិវិធីច្បាប់។
ប៉ុន្តែគោលនយោបាយប្រជានិយមដែលចង់ផ្ដល់សាច់ប្រាក់ជាច្រើននោះ ត្រូវតែអនុវត្តតាមបទប្បញ្ញត្តិដែលបានចេញដោយគណៈកម្មាធិការរៀបចំការបោះឆ្នោត ស្របតាមមាត្រា ៥៧ និង ៧៤ នៃច្បាប់ស្ដីពីការបោះឆ្នោតសមាជិកសភា។
នៅក្រោមបទប្បញ្ញត្តិនេះ គណបក្សត្រូវជូនដំណឹងដល់គណៈកម្មាធិការរៀបចំការបោះឆ្នោត អំពីចំនួនប្រាក់ ដែលត្រូវការចំណាយ ដើម្បីផ្តល់មូលនិធិដល់គោលនយោបាយទាំងនោះព្រមទាំងបញ្ជាក់ពីប្រភពនៃប្រាក់ទាំងនោះឱ្យបានច្បាស់លាស់។
គណបក្សត្រូវតែបញ្ជាក់ដែរថា គោលនយោបាយរបស់ពួកគេមានតម្លៃសមនឹងអនុវត្ត ហើយនឹងផ្តល់ប្រយោជន៍ដល់សាធារណជនក៏ដូចជាបង្ហាញពីហានិភ័យ និងផលប៉ះពាល់ប្រកបដោយសក្ដានុពលរបស់ពួកគេ។ ជាងនេះទៀត យុទ្ធនាការឃោសនាបោះឆ្នោតមិនត្រូវផ្ទុយនឹងគោលនយោបាយគណបក្សដូចមានចែងក្នុងមាត្រា ៧៤ នៃច្បាប់បោះឆ្នោតនេះឡើយ។
អ្នកបំពានមាត្រា ៥៧ នឹងត្រូវប្រឈមមុខនឹងការពិន័យជាប្រាក់រហូតដល់ជាង ១៤ ០០០ ដុល្លារ និងពិន័យជាប្រាក់ប្រចាំថ្ងៃប្រហែលជាង ២៨៧ ដុល្លារ ហើយគណបក្សដែលបំពានលើមាត្រា ៧៤ នឹងប្រឈមមុខនឹងការជាប់ពន្ធនាគាររហូតដល់ ១០ ឆ្នាំ និង/ឬពិន័យជាប្រាក់ពីជាង៥រយទៅជាង៥ពាន់ដុល្លារព្រមទាំងត្រូវព្យួរសិទ្ធិបោះឆ្នោតរបស់ពួកគេរយៈពេល ២០ ឆ្នាំ។
ប្រភពនេះបានបន្ថែមថា គណៈកម្មាធិការ EC នឹងបញ្ជូនមន្ត្រីសម្ងាត់ទៅចូលរួមធ្វើការអង្កេតការឃោសនាបោះឆ្នោតរបស់គណបក្ស និងរាយការណ៍ពីសកម្មភាពរបស់ពួកគេប្រាប់គណៈ កម្មាធិការ EC ។
