មែនទែនទៅប្រទេសថៃជាគោលដៅវិនិយោគដ៏ពេញនិយមសម្រាប់បរទេសជាច្រើនទសវត្សរ៍មកហើយ ប៉ុន្តែចំពោះកម្មសិទ្ធិដីធ្លីរបស់ជនបរទេសត្រូវបានរឹតត្បិតជាខ្លាំងនៅក្នុងប្រទេសនេះ។ យ៉ាងណាមិញ អ្នកនាំពាក្យរាជរដ្ឋាភិបាលលោក Thanakorn បាននិយាយថា យោងតាមការយល់ព្រមពីគណៈរដ្ឋមន្ត្រី ជនបរទេសនឹងត្រូវបានអនុញ្ញាតឱ្យកាន់កាប់ដីធ្លីជាកម្មសិទ្ធិរបស់ខ្លួនបានក្នុងទំហំ ០,១៦ ហិកតា ឫ ស្មើរនឹង ១៦០០ ម៉ែតការ៉េ ចាប់ពីខែកញ្ញា តទៅ ប៉ុន្តែតម្រូវឱ្យជនបរទេសនោះ ត្រូវមានការវិនិយោគនៅប្រទេសថៃក្នុងទឹកប្រាក់ប្រមាណ ១ លានដុល្លារ ឬ ច្រើនជាងនេះនៅក្នុងវិស័យអចលនទ្រព្យ មូលបត្រ ឬ មូលនិធិរបស់ប្រទេសថៃក្នុងរយៈពេល ៣ ឆ្នាំជាមុនសិន។
ទន្ទឹមនឹងនោះ រដ្ឋាភិបាលមានបំណងរួមបញ្ចូលទាំងលក្ខខណ្ឌពន្ធមួយចំនួន និងទិដ្ឋាការរយៈពេល ១០ ឆ្នាំបន្ថែមទៀតផងដែរ។
អត្ថបទគួរអាន
លោក Thanakorn បាននិយាយថា គោលបំណងក្នុងការផ្តល់កម្មសិទ្ធដីធ្លីដល់ជនរទេសគឺដើម្បីបង្កើនប្រាក់ចំណូលបន្ថែមរាប់ពាន់លានដុល្លារដល់សេដ្ឋកិច្ច និង ជំរុញការវិនិយោគពីបរទេសចំនួនជាង ២១ ពាន់លានដុល្លារបន្ថែមទៀត។
គួរជម្រាប់ថា រដ្ឋាភិបាលថៃរំពឹងថាសេដ្ឋកិច្ចរបស់ប្រទេសថៃនឹងកើនឡើង ៣,៥% នៅឆ្នាំនេះ ហើយនឹងមានការកើនឡើងដល់កម្រិតខ្ពស់នៅឆ្នាំ ២០២៣៕
