ការស្ទង់មតិនាពេលថ្មីៗនេះបានបង្ហាញពីគណបក្សប្រជាធិបតេយ្យដែលធ្លាប់តែបាននាំមុខយ៉ាងស្រួលនៅក្នុងការប្រណាំងប្រជែងនៅព្រឹទ្ធសភានោះ កំពុងស្ថិតនៅលើផ្លូវធ្លាក់ចូលទៅគ្រោះថ្នាក់ និងការបោះឆ្នោតព្រឹទ្ធសភា ដែលត្រូវចាត់ទុកថាការផ្សងសំណាងរវាងគណបក្សទាំង២នេះ ឥឡូវកំពុងទោរទន់ទៅរកគណបក្សសាធារណរដ្ឋជាបណ្ដើរៗហើយ ខណៈដែលបញ្ហាអតិផរណាខ្ពស់ និងថាមពលកើនឡើងកំពុងដាក់បន្ទុកកាន់តែខ្លាំងឡើងៗលើរដ្ឋបាលលោកចូ បៃឌិន។
បើតាមអ្នកវិភាគពីការបោះឆ្នោតរួមទាំងការស្ទង់មតិរបស់ស្ថាប័ន FiveThirtyEight បានឱ្យដឹងថា សភាតំណាងរាស្រ្តដែលលោក បៃដិន និងសម្ព័ន្ធមិត្តព្រមទាំងទីប្រឹក្សាមួយចំនួនធ្លាប់បានព្យាករណ៍ថា គណបក្សប្រជាធិបតេយ្យអាចកាន់តំណែងនៅដើមឆ្នាំនេះ ប៉ុន្ដែនេះ ឥឡូវកំពុងតែផ្លាស់ប្តូរទាំងស្រុងទៅរកគណបក្សសាធារណរដ្ឋ។
ការបាត់បង់ការគ្រប់គ្រងនៅសភាមួយ ឬទាំងពីរនឹងបង្ហាញយ៉ាងច្បាស់ពីភាពរង្គោះរង្គើតំណែងប្រធានាធិបតីរបស់លោក បៃដិន នៅក្នុងរយៈពេលពីរឆ្នាំខាងមុខទៀត ដោយក្រុមគណបក្សសាធារណរដ្ឋរំពឹងថា នឹងបោះឆ្នោតរារាំងច្បាប់ស្តីពីការឈប់សម្រាកគ្រួសារ ការរំលូតកូន សេវាប៉ូលិស និងបញ្ហាជាអាទិភាពរបស់លោក បៃដិន មួយចំនួនទៀត ខណៈដែលពួកគេក៏កំពុងជំរុញច្បាប់ថ្មី ដើម្បីទប់ស្កាត់អន្តោប្រវេសន៍ និងការចំណាយ ដោយប្រើពិដានបំណុលជាកត្តាជំរុញពីក្រោយផងដែរ។
អត្ថបទគួរអាន
គណបក្សសាធារណរដ្ឋក៏ត្រូវគេរំពឹងដែរថា នឹងបើកការស៊ើបអង្កេតលើការចំណាយរបស់ក្រុមប្រជាធិបតេយ្យ និងការពាក់ព័ន្ធអាជីវកម្ម និងជីវិតឯកជនរបស់លោក ហាន់ធឺ ជាកូនប្រុសរបស់ប្រធានាធិបតីលោក បៃដិន ផងដែរ។ សមាជិកសភាខ្លះបាននិយាយថា ពួកគេសង្ឃឹមថានឹងមានការចោទសួរដេញដោលទៅកាន់លោក បៃដិន សមាជិកគណៈរដ្ឋមន្ត្រីរបស់លោក ឬអនុប្រធានាធិបតីលោកស្រី កាម៉ាឡា ហារីសជាដើមជុំវិញបញ្ហារសើបទាំងអស់នេះ។
ប្រភពព័ត៌មានជិតស្និទនឹងសេតវិមានបាននិយាយថា ឱកាសរបស់ក្រុមប្រជាធិបតេយ្យក្នុងការរក្សាការគ្រប់គ្រងព្រឹទ្ធសភាត្រូវគេមើលឃើញថា មានភាគរយគួរឱ្យទុកចិត្តបានត្រឹមតែត្រឹម ៥០% ទល់៥០% ប៉ុណ្ណោះ។
លោក បៃដិន បានទស្សន៍ទាយកាលពីខែឧសភាថា សមាជិកបក្សប្រជាធិបតេយ្យរបស់លោកនឹងអាចទទួលបានការគាំទ្រច្រើនទាំងនៅក្នុងសភា និងព្រឹទ្ធសភា ប៉ុន្តែលោកបានទទួលស្គាល់កាលពីសប្តាហ៍មុនថា ការប្រណាំងប្រជែងនេះបានតឹងតែងជាងមុន។
ទីប្រឹក្សាលោក បៃដិន ម្នាក់បានប្រាប់ទីភ្នាក់ងាររ៉យទ័រថា ប្រធានាធិបតី និងទីប្រឹក្សារបស់លោកមានអារម្មណ៍ថា ពួកគេមានចំណុចខ្លាំងមួយក្នុងការរក្សាការគ្រប់គ្រងសភាទាំង២នេះ ហើយបានផ្តោតទៅលើការប្រឹងប្រែងឱ្យអស់ពីសមត្ថភាពដើម្បីទាញយកប្រយោជន៍ពី អ្វីដែលក្រុមសមាជិកគណបក្សសាធារណរដ្ឋកំពុងលេង ដូចជាការលើកឡើងថា អតិផរណាកំពុងតែវិវត្តទៅរកភាពអាក្រក់ទៅៗ និងការបន្ធូរបន្ថយពន្ធធ្វើឲ្យចំណេញទៅដល់តែអ្នកមានទ្រព្យស្ដុកស្ដម្ភជាដើម៕
អត្ថបទើ សុខ ជា
