អគ្គនាយកដ្ឋានពន្ធដារបង្ហាញឈ្មោះក្រុមហ៊ុនធំៗចំនួន ៣០ ដែលបានបង់ពន្ធចូលរដ្ឋច្រើនជាងគេនៅឆ្នាំ២០២០

បើទោះបីជាឆ្នាំ២០២០ មានការជួបប្រទះនៅការរាតត្បាតនៃមេរោគកូវីដ-១៩ ក៏ពិតមែន ប៉ុន្ដែអគ្គនាយកដ្ឋានពន្ធដារនៅតែរក្សាបានការប្រមូលចំណូលជាមួយកំណើនវិជ្ជមាន។ ក្នុងនោះ ថ្នាក់ដឹកនាំនៃអគ្គនាយកដ្ឋានពន្ធដារបានបង្ហើបឲ្យដឹងថា មានក្រុមហ៊ុន និងសហគ្រាសធំៗចំនួន៣០ ដែលបានបង់ពន្ធជូនរដ្ឋច្រើនជាងគេនៅឆ្នាំ២០២០ កន្លងទៅនេះ ក្នុងនោះ មានភាគច្រើននៅក្នុងវិស័យហិរញ្ញវត្ថុ, ឧស្សាហកម្មផលិតភេសជ្ជ និងទូរគមនាគមន៍ជាដើម។

ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ (រូបភាព៖ ហ្វេសប៊ុកអគ្គនាយកដ្ឋានពន្ធដារ)

ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ បានមានប្រសាសន៍ថា នៅក្នុងបរិបទនៃវិបត្តិកូវីដ-១៩នេះ ថ្វីត្បិតតែមានវិស័យមួយចំនួនធំបានរងផលប៉ះពាល់ក៏ពិតមែន ប៉ុន្តែមានអាជីវកម្មខ្លះទៀត បានប្រែក្លាយពីវិបត្តិឲ្យមកជាឱកាសវិញ ។ ឯកឧត្តមបញ្ជាក់ថា មានក្រុមហ៊ុន និងសហគ្រាសធំៗចំនួន៣០ ដែលបានបង់ពន្ធចូលរដ្ឋច្រើនជាងគេ នៅអំឡុងពេលផ្ទុះឡើងនៃវិបត្តិកូវីដ-១៩ កាលពីឆ្នាំ២០២០កន្លងទៅ។

បាទចង់ដឹងថាតើក្រុមហ៊ុនទាំង៣០នោះ មានក្រុមហ៊ុនណាខ្លះ? ឥឡូវនេះ សូមទស្សនាប្រសាសន៍របស់ឯកឧត្តម គង់ វិបុលដូចតទៅ៖

None