ក្រុមប្រទេសលោកខាងលិចរិះគន់ចិនខ្លាំងៗនៅ WTO ខណៈចិននៅរក្សាជំហរឹងមាំការពារគោលនយោយបាយពាណិជ្ជកម្មរបស់ខ្លួន
ក្នុងកិច្ចប្រជុំអង្គការពាណិជ្ជកម្មពិភពលោកដែលធ្វើឡើងនៅទីក្រុងសឺណេវ កាលពីថ្ងៃទី ២០ខែតុលានេះ ប្រទេសចិនត្រូវបានរងការចោទប្រកាន់ថា បានលាងឈ្មោះព…
សេតវិមានអាមេរិកបាននិយាយថា ផែនការចាក់វ៉ាក់សាំងជូនកុមារ គឺមិនដូចទៅនឹងការចាក់វ៉ាក់សាំងដល់មនុស្សពេញវ័យដែលធ្វើឡើងនៅតាមមជ្ឈមណ្ឌលចាក់វ៉ាក់សាំងធំៗក្នុងប្រទេសនោះទេ។ សេតវិមានកំពុងធ្វើការដើម្បីបង្កើតគ្លីនិកនៅក្នុងប្រព័ន្ធមន្ទីរពេទ្យកុមារជាង ១០០ នៅទូទាំងសហរដ្ឋអាមេរិក ក៏ដូចជាឱសថស្ថាន និង សាលារៀនដែលមានសក្តានុពលដើម្បីត្រៀមចាក់វ៉ាក់សាំងជូនកុមារ។
មន្ត្រីរដ្ឋបាលចំណីអាហារ និងឱសថអាមេរិកកំពុងពិនិត្យឡើងវិញនូវសំណើរបស់ក្រុមហ៊ុន Pfizer/BioNTech ដែលសុំការអនុញ្ញាតប្រើប្រាស់វ៉ាក់សាំងចំនួន ២ ដូសសម្រាប់ចាក់ជូនកុមារតូចៗ ។
ទន្ទឹមនេះ ទីប្រឹក្សាមជ្ឈមណ្ឌលត្រួតពិនិត្យ និងបង្ការជំងឺអាមេរិក (CDC) ក៏នឹងធ្វើការវិភាគពីសំណើរបស់ក្រុមហ៊ុនផលិតវ៉ាក់សាំង Pfizer/BionTech ក្នុងកិច្ចប្រជុំនៅថ្ងៃទី ២ និងទី ៣ ខែវិច្ឆិកា ហើយបន្ទាប់មកនឹងជូនដំណឹងពីការសម្រេចចុងក្រោយ។
អ្នកសម្របសម្រួលការឆ្លើយតបរបស់សេតវិមាន លោក ជេហ្វ ហ្សៀន (Jeff Zients) បានឱ្យដឹងថា“ ប្រសិនបើរដ្ឋបាលចំណីអាហារ និងឱសថ និងមជ្ឈមណ្ឌលត្រួតពិនិត្យ និងបង្ការជំងឺអាមេរិក អនុញ្ញាតឱ្យចាក់វ៉ាក់សាំង នោះគេនឹងចាប់ផ្ដើមចាក់វ៉ាក់សាំងជូនកុមារអាមេរិកទៅតាមផែនការដែលបានគ្រោងទុក។ ជាក់ស្ដែង រដ្ឋាភិបាលបានចែកចាយវ៉ាក់សាំងចំនួន ១៥ លានដូសទៅទូទាំងប្រទេសរួចហើយ ព្រមទាំងរាប់លានដូសទៀត នឹងដែលត្រូវបានចែកចាយនៅប៉ុន្មានសប្ដាហ៍ខាងមុខនេះ។
សូមជម្រាបថាកុមារប្រហែល ២៨ លាននាក់នៅសហរដ្ឋអាមេរិកនឹងមានសិទ្ធិទទួលការចាក់វ៉ាក់សាំងការពារជំងឺកូវីដ-១៩ បន្ទាប់ពីវ៉ាក់សាំង Pfizer និងBioNTech កាលពីពេលកន្លងទៅនេះ ក៏បានទទួលការអនុញ្ញាតឲ្យចាក់ជូនកុមារ ដែលមានអាយុពី ១២-១៧ ឆ្នាំរួចហើយដែរ៕
None
