WTO យល់ព្រមបើកការសើបអង្កេតលើករណីចិនដាក់ពន្ធលើសលុបលើស្រានាំចូលពីអូស្ត្រាលី
នៅទីបំផុត អង្គការពាណិជ្ជកម្មពិភពលោក WTO បានយល់ព្រមបង្កើតឲ្យមានក្រុមប្រឹក្សាដោះស្រាយជម្លោះពាណិជ្ជកម្មមួយ ដើម្បីដោះស្រាយបណ្ដឹងរបស់ទីក្រុងកង់បេរ…
តម្លៃប្រេងលើទីផ្សារពិភពលោកបានបន្ដរអិលធ្លាក់ចុះបន្តិចទៀត នៅថ្ងៃពុធសប្ដាហ៍នេះ ជាក់ស្ដែង ទីផ្សារប្រេងនៅអង់គ្លេសបានរអិលធ្លាក់ចុះ ២៥សេន ដែលមានតម្លៃ ៨៦ដុល្លារ ១៥សេន នៅក្នុងមួយធុងបារ៉ែល។ ទន្ទឹមគ្នានេះ ទីផ្សារប្រេងនៅអាមេរិកឯណោះវិញ ក៏បានធ្លាក់ចុះ ២៦សេនដែរ ដែលតម្លៃ៨៤ដុល្លារ ៣៩សេនក្នុងមួយធុងបារ៉ែល។
បើតាមការបញ្ជាក់ពីស្ថាប័នប្រេងឥន្ធនៈអាមេរិក តម្លៃប្រេងមានការធ្លាក់ចុះនេះ គឺដោយសារតែស្ដុកប្រេងឆៅនៅអាមេរិកបានកើនឡើង ២លាន៣សែនបារ៉ែល ក្នុងសប្ដាហ៍មុននេះ ពោលគឺស្ដុកឆៅមានការកើនខ្ពស់ជាងអ្វីដែលបានរំពឹងទុកត្រឹមតែ ១លាន៩សែនបារ៉ែលប៉ុណ្ណោះ ខណៈស្ដុកប្រេងសាំងវិញ ក៏បានកើនឡើង៥០ម៉ឺនបារ៉ែលបន្ថែមទៀតដែរ។
អ្នកវិភាគនិយាយថា ដោយសារតែតម្លៃប្រេងនៅទីផ្សារអង់គ្លេសកើនឡើងអស់រយៈពេលជាង ៨សប្ដាហ៍ និងទីផ្សារអាមេរិក ឡើងជាង ១០សប្ដាហ៍កន្លងមកនេះ កំពុងធ្វើឲ្យតម្លៃប្រេងចាប់ផ្ដើមមើលទៅដូចជាមានការទិញច្រើនហួសប្រមាណ។
បើទោះបីជា តម្លៃប្រេងនៅថ្ងៃពុធនេះ មានការថយចុះតិចតួចមកវិញក៏ដោយចុះ ប៉ុន្ដែតម្លៃរបស់វានៅតែមានខ្ពស់ខ្លាំងនៅឡើយ ហើយតម្លៃប្រេងមានខ្ពស់នេះ គឺនៅគ្រាដែលតម្រូវការប្រេងចាប់ផ្ដើមានការកើនឡើងវិញ ក្រោយពេលប្រទេសជាច្រើនចាប់ផ្ដើមសកម្មភាពសេដ្ឋកិច្ចរបស់ខ្លួនជាបណ្ដើរៗ បន្ទាប់ពេលមានការររាំងស្ទះមួយចំនួនក្នុងអំឡុងពេលទប់ស្កាត់កូវីដ១៩។ បន្ថែមពីនេះទៀត បញ្ហាកង្វះថាមពលជាសកល នៅតែកត្តាចម្បងមួយទៀតដែរ ដែលនឹងរុញឲ្យតម្លៃប្រេងបន្ដការកើនឡើង៕
None
