យុទ្ធនាការចាក់វ៉ាក់សាំងរបស់សហរដ្ឋអាមេរិកបានកាត់បន្ថយករណីឆ្លងជាលំដាប់។ តួយ៉ាង ក្នុងរយៈពេល៧ថ្ងៃមានករណីឆ្លងខ្ពស់បំផុត ប្រមាណ២៥ម៉ឺនករណីក្នុងមួយថ្ងៃក្នុងខែមករា ដោយបានធ្លាក់មកនៅប្រហែលតែត្រឹម ១ម៉ឺន១ពាន់ករណីប៉ុណ្ណោះគិតត្រឹមពាក់កណ្តាលខែមិថុនា។ បើទោះបីករណីប្រចាំថ្ងៃថយចុះក៏ដោយ ប៉ុន្តែនៅភាគពាយព្យ និងអាគ្នេយ៍នៃសហរដ្ឋអាមេរិក នៅតែមានអត្រាចាក់វ៉ាក់សាំងមានកម្រិតទាប និងជាកន្លែងឆ្លងរាលដានខ្លាំងនៃមេរោគបម្លែងខ្លួនថ្មី ឌែលតា។
លោក Jeffrey Zients ទីប្រឹក្សាជាន់ខ្ពស់សេតវិមានអាមេរិក បានប្រាប់ទៅកាន់អ្នកសារព័ត៌មានថា ក្រុមការងារការឆ្លើយតបទៅនឹងការរាលដាលនៃមេរោគបំប្លែងថ្មី ឌែលតា នឹងរួចរាល់ដើម្បីបង្កើនល្បឿននៃការធ្វើតេស្ដរកមេរោគកូវីដ-១៩ និងព្យាបាលអ្នកជំងឺដែលកំពុងមានការកើនឡើង។
លោក Rochelle Walensky ប្រធានមជ្ឈមណ្ឌលការពារជំងឺអាមេរិកបាននិយាយថាមនុស្សជាង ១៨០លាននាក់ និងមានជាង ៦៦% ជាមនុស្សពេញវ័យនៅសហរដ្ឋអាមេរិកបានទទួលការចាក់វ៉ាក់សាំង ប៉ុន្តែមានតំបន់ប្រមាណជាង ១០០០នៅតែមានអត្រាចាក់វ៉ាក់សាំងក្រោម ៣០% ។
អត្ថបទទាក់ទង!
លោក Walensky បានគូសបញ្ជាក់ថា“ វាច្បាស់ណាស់ថាសហគមន៍ ដែលមានប្រជាជនមិនទាន់ទទួលបានវ៉ាក់សាំង គឺជាសហគមន៍ដែលនៅតែងាយរងគ្រោះ” ។ មេរោគបម្លែងខ្លួនថ្មី ឌែលតា ងាយស្រួលក្នុងការចម្លងដែលត្រូវបានគេគិតថាបានក្លាយជាការរាលដាលខ្លាំងបំផុតទី ២ នៅសហរដ្ឋអាមេរិក។
ទន្ទឹមនឹងនេះ ការសិក្សាថ្មីៗបានបង្ហាញថា អ្នកដែលបានទទួលការចាក់វ៉ាក់សាំងចំនួន២ដូស ដែលផលិតដោយ Pfizer Inc / BioNTech SE និង Moderna Inc (MRNA.O) មានប្រសិទ្ធភាពខ្ពស់ប្រឆាំងមេរោគបម្លែងខ្លួនថ្មីនេះ។ ។
យ៉ាងណាមិញ លោក Jeffrey Zients ទីប្រឹក្សាជាន់ខ្ពស់សេតវិមានអាមេរិក បាននិយាយថាសេតវិមាននឹងនាំចេញប្រហែល ៤០ លានដូសនៅចុងសប្តាហ៍នេះទៅកាន់ប្រទេសនានារួមមានប្រទេសបង់ក្លាដេស អេក្វាឌ័រ និងតៃវ៉ាន់៕
អត្ថបទដោយ៖ ស៊ើង និមល់
None
