ក្រុមហ៊ុនអាកាសចរណ៍ Vietnam Airlines បានប្រកាសថា ក្រុមហ៊ុនបានបំពេញទៅតាមបែបបទឯកសាររួចរាល់ហើយ និងទទួលបានការអនុម័តយល់ព្រមពី រដ្ឋបាលសន្តិសុខដឹកជញ្ជូនអាមេរិក ហើយក៏ត្រៀមខ្លួននឹងទទួលការអនុញ្ញាតពី រដ្ឋបាលសហព័ន្ធអាកាសចរណ៍ ក្នុងពេលឆាប់ៗខាងមុខផងដែរ ដោយមិនបានបញ្ជាក់អំពីពេលវេលាជាក់លាក់នោះទេ។
ក្រុមហ៊ុន បញ្ជាក់ទៀតថា ការអនុញ្ញាតហោះហើរនាពេលនេះ គឺជាជើងហោះហើរប្រក្រតី ខុសពីជើងហោះហើរឯកជនពិសេសរវាងវៀតណាម និងអាមេរិក ទទួលបានកាលពីពេលមុន។
កាលពីឆ្នាំ ២០០៣ ក្រសួងដឹកជញ្ជូនវៀតណាម បានណែនាំឲ្យក្រុមហ៊ុនបម្រើសេវាកម្មហោះហើរដោយផ្ទាល់ជាមួយ អាមេរិក ឲ្យបានត្រឹមឆ្នាំ ២០០៥ តែគម្រោងនេះ ត្រូវបានពន្យារពេលមកទល់ពេលនេះ ដោយសារតែក្តីបារម្ភពី ប្រាក់ចំណេញ។
លោក លី ហុង ហា ប្រធានក្រុមហ៊ុនអាកាសចរណ៍ Vietnam Airlines ធ្លាប់បានប្រាប់ដល់សារព័ត៌មានអន្តរជាតិថា ក្រុមហ៊ុនរបស់លោក អាចនឹងប្រើប្រាស់ យន្តហោះប្រភេទ Boeing 787 ឬក៏ប្រភេទ Airbus SE A350 នៅក្នុងកម្មវិធីសម្ពោធផ្លូវហោះហើរថ្មីរវាង ទីក្រុងហូជីមិញ និងទីក្រុងសាន់ហ្វ្រាន់ស៊ីស្កូ សហរដ្ឋអាមេរិក ដោយមានការចុះចតចាក់ប្រេងឥន្ធនៈតែម្តងប៉ុណ្ណោះ។
តាំងពីឆ្នាំ ២០២០មក ក្រុមហ៊ុនអាកាសចរណ៍មួយនេះ បានប្រើប្រាស់ជើងហោះហើរឯកជន ដើម្បីទទួលយក ជនជាតិវៀតណាម នៅអាមេរិក ដែលធ្វើមាតុនិវត្តន៍ អំឡុងពេលកូវីដ១៩។
អត្ថបទគួរអាន
យ៉ាងណាមិញ អំឡុងពេលកូវីដ១៩នេះ ក្រុមហ៊ុន Vietnam Airlines ជាក្រុមហ៊ុនដែលរងការខាតបង់ច្រើនជាងគេបំផុតនៅក្នុងប្រទេសវៀតណាម ដោយខាតបង់ប្រាក់ប្រមាណ ៣០០លានដុល្លារអាមេរិក នៅក្នុងឆមាសទី ១ ឆ្នាំ ២០២១នេះ។ទោះយ៉ាងណាក៏ដោយ មកទល់ពេលនេះ មានក្រុមហ៊ុនអាកាសចរណ៍ ដែលផ្តល់ជើងហោះហើរតម្លៃសមរម្យ ដូចជាក្រុមហ៊ុន Vietjet និង Bamboo Airways ក៏បានបង្ហាញពីចំណាប់អារម្មណ៍ខ្ពស់ចំពោះ ជើងហោះហើរដោយផ្ទាល់ទៅកាន់ អាមេរិកនេះដែរ។
ជាក់ស្តែង អ្នកជំនាញនៅក្នុងវិស័យអាកាសចរណ៍វៀតណាម បានប៉ាន់ប្រមាណថា វិស័យអាកាសចរណ៍វៀតណាម នឹងអាចងើបឡើងវិញបាននៅក្នុង ឆ្នាំ ២០២៣-២០២៤ខាងមុខនេះ ដែលអាចនឹងត្រលប់មករកសភាពដើមវិញបាន ដូចកាលពីឆ្នាំ ២០១៩កន្លងទៅ។
តាំងពីឆ្នាំ ២០២០មក ក្រុមហ៊ុនអាកាសចរណ៍មួយនេះ បានប្រើប្រាស់ជើងហោះហើរឯកជន ដើម្បីទទួលយក ជនជាតិវៀតណាម នៅអាមេរិក ដែលធ្វើមាតុនិវត្តន៍ អំឡុងពេលកូវីដ១៩។
អត្ថបទ៖ វណ្ណ វុឌ្ឍវិវឌ្ឍន៍
None
