Advertisement
Advertisement
Advertisement
វិស័យវាយនភណ្ឌវៀតណាម

ក្រុមហ៊ុនកាត់ដេរវៀតណាម​ស្នើសុំរដ្ឋាភិបាល ផលិត និងនាំចេញផលិតផលប្រយុទ្ធប្រឆាំងនឹងមេរោគកូវីដ១៩


បណ្តុំសមាជិក នៃក្រុមវាយនភ័ណ្ឌ និងសម្លៀកបំពាក់ជាតិវៀតណាម នឹងធ្វើការស្នើសុំដល់ រដ្ឋាភិបាលវៀតណាម ដើម្បីអាចនាំចេញផលិតផលប្រយុទ្ធប្រឆាំងនឹងមេរោគកូវីដ១៩ ដែលវាជាវិធានការមួយ អាចជួយស្រោចស្រង់ដល់ សេដ្ឋកិច្ចរបស់ក្រុមហ៊ុននីមួយៗ ដែលរងគ្រោះយ៉ាងធ្ងន់ធ្ងរដោយសារតែមេរោគកូវីដ១៩។ នេះបើយោងតាមការចេញផ្សាយរបស់ សារព័ត៌មានក្នុងស្រុកវៀតណាម។
ក្រុមហ៊ុនកាត់ដេរវៀតណាម ស្នើសុំរដ្ឋាភិបាល ផលិត និងនាំចេញផលិតផលប្រយុទ្ធប្រឆាំងនឹងមេរោគកូវីដ១៩ (រូបភាព៖ ven.vn)
ដោយ
Advertisement

ក្រោយ​ពី​បញ្ចប់​កិច្ចប្រជុំ​តាម​ប្រព័ន្ធ​អន​ឡាញ ជាមួយ​សមាជិក​ទាំង ២២​ក្រុមហ៊ុន​ផ្សេង​ទៀត លោក លី ទៀន ទ្រួ​ង នាយក​ក្រុម​វាយនភ័ណ្ឌ និង​សម្លៀក​បំពាក់​ជាតិ​វៀតណាម បាន​ពន្យល់​ឲ្យ​ដឹង​ថា មេរោគ​កូ​វី​ដ​១៩ កំពុង​តែ​ដាក់​សម្ពាធ​ធ្ងន់ធ្ងរ មក​លើ​វិស័យ​វាយនភ័ណ្ឌ និង​សម្លៀក​បំពាក់ ដោយ​ចាប់តាំងពី​ដើមខែ​មីនា​នេះ​មក កា​រក​ម្ម៉​ង់​ទិញ​ទំនិញ ត្រូវ​បាន​លុប​ចោល ហើយ​សម្រាប់​ខែមេសា និង​ខែឧសភា​ខាង​មុខ​នេះ គឺ​កាន់តែ​ពិបាក​ខ្លាំង ដោយ​ក្រុមហ៊ុន ត្រូវ​ជាប់​គាំង​ហិរញ្ញវត្ថុ ដោយសារ​ទំនិញស្តុក​ទុក​ច្រើន ហើយ​កម្មករ​ត្រូវ​ប្រឈម​មុខ​នឹង​ការ​បាត់បង់​ការងារ​។

លើស​ពី​នេះ​ទៅ​ទៀត រោងចក្រ​ជា​ច្រើន​នៅ​ប្រទេស​ចិន បាន​ចាប់ផ្តើម​ដំណើរការ​ឡើង​វិញ ក៏​ប៉ុន្តែ​តម្រូវការ​ប្រើប្រាស់​ផលិតផល​វាយនភ័ណ្ឌ និង​សម្លៀក​បំពាក់​ទូ​ទាំង​សកលលោក គឺ​មានការ​ធ្លាក់​ចុះ​ខ្លាំង ដែល​ធ្វើ​ឲ្យ​តម្លៃ​ផលិត​សម្រេច ធ្លាក់​ចុះ​លើស​ពី ២០%​ទៅ​ទៀត ហើយ​បើសិនជា​វៀតណាម នៅ​បន្ត​ផលិត​នោះ ពិត​ណាស់ គឺ​ត្រូវ​ប្រឈម​មុខ​នឹង​បញ្ហា​ធំ​។

ដូច្នេះ​ហើយ ក្រុម​វាយនភ័ណ្ឌ និង​សម្លៀក​បំពាក់​ជាតិ​វៀតណាម ស្នើ​ឲ្យ​រដ្ឋាភិបាល​អនុញ្ញាត ដើម្បី​ឲ្យ​ពួក​គេ​អាច​ផលិត និង​នាំ​ចេញ​ផលិតផល​ប្រយុទ្ធ​ប្រឆាំង​នឹង​មេរោគ​កូ​វី​ដ រួម​មាន ម៉ាស់​មុខ​ពាក់​ការពារ​វីរុស សម្លៀក​បំពាក់​វេជ្ជសាស្ត្រ​ប្រឆាំង​នឹង​បាក់តេរី និង​សម្លៀក​បំពាក់​សម្រាប់​ប្រើប្រាស់​តែ​ម្តង ហើយ​ពួក​គេ​ជា​អ្នក​ស្វែងរក​ទីផ្សារ​ដោយ​ខ្លួនឯង​។

បើ​តាម​ការ​ប៉ាន់​ប្រមាណ​របស់ ក្រុម​វាយនភ័ណ្ឌ និង​សម្លៀក​បំពាក់​ជាតិ​វៀតណាម បើសិនជា បញ្ហា​មេរោគ​កូ​វី​ដ​១៩ ត្រូវ​បាន​បញ្ចប់​ក្នុង​ខែឧសភា​ខាង​មុខ នោះ​វិស័យ​វាយនភ័ណ្ឌ និង​សម្លៀក​បំពាក់​វៀតណាម ត្រូវ​ខាតបង់​ប្រមាណ ៤៧៤​លាន​ដុល្លារ​អា​មេ​រិ​ក​។

គួរ​រម្លឹក​បន្តិច​ដែរ​ថា ក្នុង​រយៈពេល ២​ខែ ដើមឆ្នាំ ២០២០​នេះ ការ​នាំ​ចេញ​ផលិតផល​វាយ​ន​ភណ្ឌ និង​សម្លៀក​បំពាក់​វៀតណាម បាន​ធ្លាក់​ចុះ​ប្រមាណ ៣% មក​នៅ​ត្រឹម ៥​ពាន់ ៣​រយ​លាន​ដុល្លារ​អា​មេ​រិ​ក ដោយ​មូលហេតុ​ចំបង​បំផុត គឺ​បណ្តាល​មក​ពី​បញ្ហា​មេរោគ​កូ​វី​ដ ១៩ ដែល​ធ្វើ​ឲ្យ​តម្លៃ និង​តម្រូវការ​ធ្លាក់​ចុះ ព្រម​ៗ​គ្នា​៕
Advertisement
© 2020 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ឧស្សាហកម្មផលិតកែច្នៃនៅកម្ពុជា កំពុងទទួលរងផលប៉ះពាល់ខ្លាំង ដោយសាមេរោគកូវីដ១៩

ព័ត៌មាន
ឧស្សាហកម្មកែច្នៃផលិតផលក្នុងស្រុក កំពុងតែទទួលរងផលប៉ះពាល់ខ្លាំងពីមេរោគកូវីដ១៩ ដែលកំពុងសាយភាយទូទាំងសកលលោក ដែលធ្វើឲ្យផលិតផលក្នុងស្រុកសម្រ...

វិស័យមូលបត្រនៅកម្ពុជាទទួលផលប៉ះពាល់ ដោយសារមេរោគកូវីដ១៩

ព័ត៌មាន
វិស័យមូលបត្រនៅកម្ពុជា កំពុងទទួលរងផលអវិជ្ជមាន ពីកត្តាមេរោគកូវីដ១៩ ដែលកំពុងសាយភាយទូទាំងសកលលោក ដែលធ្វើឲ្យ ទំនុកចិត្តរបស់ វិនិយោគិន ន...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ