លោក សោម សិទ្ធ ប្រធាននាយកដ្ឋានបញ្ញត្តកម្មទឹកស្អាត នៃក្រសួងឧស្សាហកម្ម បានឲ្យដឹងថា ដោយសារមានកាត់ផ្នែកខ្លះនៃខេត្តកណ្តាលមករាជធានីភ្នំពេញ ទើបនាំឲ្យតម្រូវការនៃការប្រើប្រាស់ទឹកក្នុងរាជធានីភ្នំពេញមានការកើនឡើង។
លោកនិយាយថា «រដ្ឋាករទឹកស្វយ័តបានធ្វើការកែលម្អផែនការមេរបស់គាត់រហូតដល់ ២ដងហើយ ក៏ប៉ុន្តែចុងក្រោយនេះ តាមផែនការរបស់គាត់ គាត់កំពុងតែធ្វើការសាងសង់រោងចក្រផលិតទឹកស្អាតថ្មីមួយទៀតនៅបាក់ខែង ដែលមានសមត្ថភាពផលិតប្រហែលជិត ២០ម៉ឺនម៉ែត្រគីប»។
លោក សោម សិទ្ធ ប្រធាននាយកដ្ឋានបញ្ញត្តកម្មទឹកស្អាត នៃក្រសួងឧស្សាហកម្
លោកបានបន្ថែមថា «ក៏ប៉ុន្តែអ្វីដែលជាផែនការរបស់គាត់ហ្នឹង គាត់មាន២ដំណាក់កាលធំៗ ដំណាក់ទី១នោះគឺជិត២០ម៉ែត្រគីបនៅបាក់ខែងហ្នឹង និងដំណាក់ទី២ នៅបាក់ដដែលគឺជិត ២០ម៉ែត្រគីបទៀត។ ម្យ៉ាងបច្ចុប្បន្នគាត់មានគម្រោងមួយទៀតដែលខាងជប៉ុនគាត់ជួយហ្នឹងគឺ ខាងតាខ្មៅ ដែលមានសមត្ថភាពផលិតទឹកស្អាត ៣ម៉ឺនម៉ែត្រគីបទៀត អញ្ចឹងបើជំហានទាំង៣ហ្នឹងបូកចូលគ្នាជាមួយអាចាស់ទៅ មានសមត្ថភាពផលិតប្រហែលជា ១លានម៉ែត្រគីប គឺអាចធានាបានការផ្គត់ផ្គង់រហូតដល់ឆ្នាំ២០៣០»។
អត្ថបទទាក់ទង!
យ៉ាងណាមិញ បច្ចុប្បន្ននេះ នៅតែមានបញ្ហាខ្វះខាតទឹកស្អាតប្រើប្រាស់ ជាពិសេសនៅតំបន់ជាយក្រុង ដោយពលរដ្ឋខ្លះបានរអ៊ូរទាំថា មានពេលខ្លះគ្មានទឹកប្រើសូម្បីមួយដំណក់ក៏មានដែរ។ កន្លងទៅនេះ រដ្ឋាករទឹកស្វយ័តក្រុងភ្នំពេញ ក៏ធ្លាប់បានអំពាវនាវឲ្យពលរដ្ឋទាំងក្នុងរាជធានីភ្នំពេញ និងក្រុងតាខ្មៅ ជួយសន្សំសំចៃទឹកស្អាត ដោយតម្រូវការទឹកស្អាតកើនឡើងប្រមាណ ៧០០.០០០ ម៉ែត្រគូប ក្នុងមួយថ្ងៃ ខណៈដែលរោងចក្រផលិតទឹកស្អាតចំនួន៤ របស់រដ្ឋាករទឹកស្វយ័តក្រុងភ្នំពេញអាចផលិតបានតែ ៦០០.០០០ម៉ែត្រគូបក្នុងមួយថ្ងៃប៉ុណ្ណោះ។ ការអំពាវនាវឲ្យចូលរួមសន្សំសំចៃទឹកនោះ តាមរយៈការចូលរួម កាត់បន្ថយការសម្អាតផ្ទះ កាត់បន្ថយការស្រោចសួនច្បារ និងលាងរថយន្តជាដើម ដើម្បីអាចឲ្យចែករំលែកទឹកស្អាតឲ្យដល់ពលរដ្ឋដទៃទៀត ជាពិសេសនៅតំបន់ជាយក្រុង។
សូមបញ្ជាក់ថា សព្វថ្ងៃនេះ រដ្ឋាករទឹកស្វយ័តក្រុងភ្នំពេញមានរោងចក្រផលិតទឹកស្អាតចំនួន៤ហើយ ហើយកំពុងតែបន្តសាងសង់បន្ថែមនូវរោងចក្រផលិតទឹកស្អាតថ្មីបន្ថែមមួយទៀតនៅបាក់ខែង សម្រាប់ផ្គត់ផ្គង់ពលរដ្ឋនៅក្នុងរាជធានីភ្នំពេញផង និងក្រុងតាខ្មៅផង ដែលរោងចក្រថ្មីនេះ នឹងអាចផលិតទឹកស្អាតបាន ៣៩០.០០០ ម៉ែត្រគូប ក្នុងមួយថ្ងៃ ក្នុងឆ្នាំ២០២៣ ៕
None
