កំណត់ត្រាថ្មី! កម្ពុជារកឃើញអ្នកឆ្លងកូវីដ-១៩ថ្មីដល់ទៅ ៦៤ នាក់ គិតត្រឹមព្រឹកថ្ងៃទី ១០ ខែមីនា

តាមទិន្នន័យដដែលនេះ បាន​បង្ហាញថា​ចំនួនអ្នកឆ្លង​ក្នុង​ព្រឹត្តិការណ៍​សហគមន៍​២០កុម្ភៈ​សរុប​បាន​កើនឡើង​ដល់ទៅ ៦១៣នាក់ ស្មើនឹង​ពាក់កណ្ដាល​នៃចំនួន​អ្នកឆ្លង​កូវីដ-១៩​សរុប​ដែល​កម្ពុជា​បាន​រកឃើញ។

ទោះយ៉ាងណា ចំនួនអ្នក​ដែលបានជាសះស្បើយ​ពីជំងឺដ៏កាចសាហាវនេះ ក៏បាន​កើនឡើង​ជាបន្ដបន្ទាប់ផងដែរ ដោយសរុប​មានដល់​៥៤៩នាក់ហើយ។

សម្រាប់​អ្នក​ឆ្លងកូវីដ-១៩ ថ្មីទាំង​៦៤នាក់ គិតត្រឹមព្រឹក​ថ្ងៃទី ១០ ខែមីនា មានភាគច្រើន​ជាជនជាតិខ្មែរ ដោយក្នុងនោះ ខេត្តកណ្ដាល​រកឃើញ​ច្រើនជាងគេ​ចំនួន​២៩នាក់ បន្ទាប់មកគឺ​រាជធានីភ្នំពេញ​ចំនួន​២៧នាក់, ព្រៃវែង​៥នាក់, ខេត្តព្រះសីហនុ ២នាក់ និងសៀមរាប​១នាក់។