រដ្ឋមន្ត្រីក្រសួងប្រៃសណីយ៍៖ សិទ្ធិទទួលបានព័ត៌មានសំខាន់សម្រាប់អភិវឌ្ឍន៍ប្រទេស និងទាមទារឲ្យពលរដ្ឋមានចំណេះដឹង
ថ្នាក់ដឹកនាំក្រសួងប្រៃសណីយ៍ និងទូរគមនាគមន៍ ចាត់ទុកសិទ្ធិទទួលបានព័ត៌មាន បានដើរតួនាទីយ៉ាងសំខាន់ក្នុងការចូលរួមអភិវឌ្ឍន៍ប្រទេសប្រកបដោយបរ…
លោកហ្វូមីអូ គីហ្សីដា ក្នុងវ័យ៦៤ឆ្នាំ នឹងត្រូវមកបន្តតំណែងពីលោក យ៉ូស្ហ៊ីហ៊ីដេ ស៊ូហ្កា ដែលបានចប់អាណត្តិ និងក្រោយពីលោកប្រកាសជំហរមិនបន្តឈរឈ្មោះជានាយករដ្ឋមន្ត្រីតទៅទៀតនោះទេ។ លោកហ្វូមីអូ គីហ្សីដា នឹងត្រូវតែងតាំងជានាយករដ្ឋមន្ត្រីជាផ្លូវការនៅក្នុងសម័យប្រជុំពេញអង្គរដ្ឋសភាជាតិជប៉ុន ដែលគ្រោងនឹងចាប់ផ្តើមនៅថ្ងៃទី ៤ ខែតុលាខាងមុខនេះ។
ក្នុងតំណែងជានាយករដ្ឋមន្ត្រីជប៉ុន លោក គីហ្សីដានឹងមានភារកិច្ចសំខាន់ដំបូងគេមួយ នោះគឺទប់ស្កាត់ការរាតត្បាតនៃមេរោគកូវីដ១៩ ក៏ដូចជាស្វែងរកវិធីសាស្ត្រថ្មី ដើម្បីការរីកលូតលាស់សម្រាប់សេដ្ឋកិច្ចជប៉ុននៅក្រោយវិបត្តិកូវីដ១៩។ ដោយឡែក បញ្ហានយោបាយក្នុងតំបន់ដ៏ក្តៅគគុក និងបញ្ហាតានតឹងនៅសមុទ្រចិនខាងកើតជាមួយប្រទេសចិន សុទ្ធសឹងជាកិច្ចការអាទិភាព ដែលលោក គីហ្សីដា នឹងត្រូវយកមកដាក់លើតុមុនគេ ដើម្បីបន្ដដោះស្រាយ។
មែនទែនទៅ ជ័យជំនះរបស់លោក គីហ្សីដា ពេលនេះមិនមែនជារឿងចៃដន្យនោះទេ ដោយសារលោកជាបេក្ខភាពមួយរូបដ៏មានសក្តានុពល និងមានប្រជាប្រិយភាពចាប់តាំងពីពេលអតីតនាយករដ្ឋមន្ត្រីស៊ីនហ្សូអាបេ លាលែងពីតំណែងមកម្ល៉េះ។ លោកធ្លាប់បម្រើការជារដ្ឋមន្ត្រីការបរទេស នៅចន្លោះឆ្នាំ ២០១២ និង ២០១៧ និងជាប្រធានគោលនយោបាយរបស់បក្សសេរីប្រជាធិបតេយ្យជប៉ុន ឬហៅកាត់ថាអិលឌីភី ពីឆ្នាំ ២០១៧ ដល់ ២០២០ ផងដែរ។
ដោយមានទស្សនៈទានល្អៗ លើបញ្ហាជាច្រើនរួម ទាំងផ្នែកវិស័យថាមពលនុយក្លេអ៊ែរ និងគោលនយោបាយការបរទេសផងនោះ លោកបានទទួលការគាំទ្រយ៉ាងទូលំទូលាយពីសមាជិកបក្សសេរីប្រជាធិបតេយ្យជាច្រើន។
សូមជម្រាបដែរថា នៅក្នុងការបោះឆ្នោតនាថ្ងៃពុធនេះ លោកហ្វូមីអូ គីហ្សីដា បានយកឈ្នះទៅលើបេក្ខភាពប្រកួតប្រជែងរបស់លោក៣រូបផ្សេងទៀត ចាប់តាំងពីការបោះឆ្នោតជុំទីមួយឯណោះ។ ក្នុងនោះលោកបានយកឈ្នះលើលោក តារូ កូណូ និងបេក្ខភាពស្ត្រីពីររូបទៀត គឺលោកស្រី សានណៃ តាកៃឈី និងលោកស្រី សីកូ ណូដា។ ប្រការនេះធ្វើឲ្យជប៉ុន នៅតែមិនអាចមានកំណត់ត្រាប្រវត្តិសាស្ត្រថ្មី ដែលមាននាយករដ្ឋមន្ត្រីដំបូងជាស្ត្រីបានដដែល៕
None
