ហេតុអ្វីចិនត្រូវប្រយ័ត្នចំពោះផលប៉ះពាល់ នៃផែនការហេដ្ឋារចនាសម្ព័ន្ធដ៏ធំសម្បើមរបស់អាមេរិក?
អ្នកជំនាញសិក្សាផ្នែកសេដ្ឋកិច្ចនយោបាយរបស់ចិន និយាយថា ប្រទេសចិន ត្រូវតែយកចិត្តទុកដាក់ឲ្យបានខ្ជាប់ខ្ជួន ចំពោះផែនការដ៏ធំសម្បើមដែលដឹកនាំដោយសហ…
ប្រទេសកោះស្រីលង្កាដែលមានចំនួនប្រជាជនសរុប២២លាននាក់នេះកំពុងប្រឹងប្រែងតស៊ូក្នុងការចំណាយសម្រាប់ការនាំចូលចំពេលមានវិបត្តិបំណុល និងការធ្លាក់ចុះយ៉ាងខ្លាំងនូវទុនបម្រុងរូបិយបណ្ណបរទេស ដែលបានជំរុញឱ្យមានអតិផរណាកើនឡើង។ ការដាច់ចរន្តអគ្គិសនី រយៈពេលយូរនិងការខ្វះខាតប្រេងឥន្ធនៈ អាហារ និងថ្នាំពេទ្យបានបង្កឱ្យមានការតវ៉ានៅទូទាំងប្រទេសផងដែរ។
រដ្ឋមន្ត្រីហិរញ្ញវត្ថុស្រីលង្កាលោក អាលី សាព្រី (Ali Sabry) បានស្ថិតនៅក្នុងទីក្រុងវ៉ាស៊ីនតោននៅក្នុងសប្តាហ៍មុននេះ ដើម្បីជជែកជាមួយមូលនិធិ IMF ធនាគារពិភពលោក ឥណ្ឌា និងអ្នកផ្សេងទៀតអំពីជំនួយហិរញ្ញប្បទានសម្រាប់ប្រទេសរបស់លោក ដែលបានផ្អាកការទូទាត់លើផ្នែកខ្លះនៃបំណុលក្រៅប្រទេសសរុបចំនួន ៥១ ពាន់លានដុល្លារអាមេរិក។
មន្ត្រីនាំពាក្យធនាគារពិភពលោកបាននិយាយថា កញ្ចប់ឆ្លើយតបគ្រាអាសន្នរបស់ធនាគារពិភពលោកដែលគ្រោងនឹងផ្ដល់ជូនស្រីលង្កានេះ រួមបញ្ចូលទាំងចំនួន ១០ លានដុល្លារអាមេរិក ដែលនឹងត្រូវផ្តល់ជូនភ្លាមៗសម្រាប់ការទិញថ្នាំសំខាន់ៗ ជាមូលនិធិដែលបានដកចេញពីគម្រោងការត្រៀមលក្ខណៈសុខភាពសម្រាប់ជំងឺកូវីដ១៩ ដែលកំពុងដំណើរការរបស់ធនាគារនេះ។
អ្នកផ្តល់ប្រាក់កម្ចីសកលរួមជាមួយអង្គការមូលនិធិរូបិយវត្ថុអន្តរជាតិ (IMF) ដែលបានរៀបចំកិច្ចប្រជុំនាសប្ដាហ៍មុនជាមួយស្រីលង្កាដែរនោះ មិនបានបង្ហើបឲ្យដឹងពីការផ្តល់ជូនសម្រាប់កញ្ចប់ថវិកាសង្គ្រោះបន្ទាន់ឲ្យស្រីលង្កានោះទេ ប៉ុន្តែលោក សាព្រី (Sabry) បាននិយាយពីថ្ងៃសុក្រថា ពួកគេកំពុងពិចារណាផ្ដល់ជំនួយប្រហែល ៥០០ លានដុល្លារដល់ប្រទេសរបស់លោក។
អ្នកនាំពាក្យរបស់ធនាគារពិភពលោកបាននិយាយថា កញ្ចប់ថវិកានេះនឹងប្រើប្រាស់គម្រោងហិរញ្ញប្បទាន ដែលមានស្រាប់របស់ធនាគារនេះ និងរៀបចំមូលនិធិឡើងវិញដើម្បីផ្តល់ថ្នាំពេទ្យ និងអាហារភ្លាមៗដល់សិស្សសាលា និងការផ្ទេរសាច់ប្រាក់សម្រាប់គ្រួសារក្រីក្រនិងងាយរងគ្រោះ។
អ្នកនាំពាក្យរូបនេះបាននិយាយទៀតថា ការគាំទ្រផ្តល់ហ្គាសសម្រាប់ការចម្អិនអាហារ ការផ្គត់ផ្គង់អាហារមូលដ្ឋាន គ្រាប់ពូជ និងជីកសិកម្មព្រមទាំងសម្ភារៈសំខាន់ៗផ្សេងទៀតក៏កំពុងស្ថិតនៅក្រោមការពិភាក្សាផងដែរ ហើយអ្នកនាំពាក្យនេះបានបន្ថែមថា ធនាគារពិភពលោកមានការព្រួយបារម្ភយ៉ាងខ្លាំងអំពីស្ថានភាពនៅក្នុងប្រទេសស្រីលង្កា។
មូលនិធិ IMF បាននិយាយនៅក្នុងសេចក្តីថ្លែងការណ៍នាចុងសប្ដាហ៍មុននេះថា កិច្ចពិភាក្សារវាងបុគ្គលិករបស់ខ្លួនជាមួយនឹងមន្ត្រីជាន់ខ្ពស់ស្រីលង្កា បានផ្តោតលើតម្រូវការសម្រាប់ប្រទេសនេះ ដើម្បីអនុវត្ត«យុទ្ធសាស្ត្រដែលអាចទុកចិត្តបាននិងស៊ីចង្វាក់គ្នា»ដើម្បីស្តារស្ថិរភាពម៉ាក្រូសេដ្ឋកិច្ចឡើងវិញ និងពង្រឹងបណ្តាញសុវត្ថិភាពសង្គមរបស់ខ្លួន និងការពារពលរដ្ឋក្រីក្រនិងងាយរងគ្រោះនៅក្នុងអំឡុងពេលមានវិបត្តិបច្ចុប្បន្ននេះ៕
អត្ថបទ៖ សុខ ជា
None
