វិធានការកូវីដ១៩ដ៏តឹងរ៉ឹងរបស់ចិនកំពុងរាំងស្ទះដល់ការដឹកជញ្ជូនពិភពលោក
គោលនយោបាយ គ្មានកូវីដ ដ៏តឹងរ៉ឹងរបស់ប្រទេសចិនកំពុងបង្កើនសម្ពាធលើកំពង់ផែរបស់ប្រទេសនេះ ដោយធ្វើឱ្យរំខានដល់ការដឹកជញ្ជូនជាសកល និងដាក់បន្ទុកប…
របាយការណ៍ដែលធ្វើការប៉ាន់ស្មាន ដោយស្ថាប័នមជ្ឈមណ្ឌលស្រាវជ្រាវសេដ្ឋកិច្ច និងពាណិជ្ជកម្ម ដ៏ធំមួយរបស់អង់គ្លេសដែលហៅកាត់ថា សេប (Cebr) បានកត់សម្គាល់ថា ចិនដែលបច្ចុប្បន្នជាប្រទេសមានសេដ្ឋកិច្ចធំជាងគេទី២ក្នុងពិភពលោក នឹងអាចឡើងមកគ្រងតំណែងលេខ១បាននៅឆ្នាំ២០៣០។ រយៈពេលនេះ គឺមានយូរជាងអ្វី ដែលប៉ាន់ស្មានលើកមុនដល់ទៅ២ឆ្នាំឯណោះ។
ដោយឡែក មហាយក្សឥណ្ឌាវិញ ត្រូវបានគេរំពឹងថា នឹងវ៉ាដាច់ប្រទេសបារាំង និងអង់គ្លេស ដែលជាបងធំនៅអឺរ៉ុបដែរនោះ នៅឆ្នាំ២០២៣ខាងមុខ ក្នុងតំណែងជាប្រទេសមានសេដ្ឋកិច្ចធំលំដាប់ទី៦ពិភពលោក។
ស្ថាប័នស្រាវជ្រាវ និងវាយតម្លៃ សេប (Cebr) បានព្យាករទៀតថា សេដ្ឋកិច្ចអាល្លឺម៉ង់កំពុងវិវត្តខ្លួនទៅ គ្រងតំណែងរបស់ប្រទេសជប៉ុន ក្នុងក្របខណ្ឌទិន្នផលសេដ្ឋកិច្ចសរុប នៅឆ្នាំ ២០៣៣ ។ ដោយឡែក ប្រទេសរុស្ស៊ីវិញ អាចក្លាយជាប្រទេសមានសេដ្ឋកិច្ចស្ថិតក្នុង កំពូលតារាងទាំង១០របស់ពិភពលោក នៅឆ្នាំ ២០៣៦ ហើយប្រទេសឥណ្ឌូនេស៊ី នៃតំបន់អាស៊ានរបស់យើងវិញ ត្រូវបានគេមើលឃើញថា កំពុងឆ្ពោះទៅគ្រងចំណាត់ថ្នាក់ទី៩ពិភពលោក នៅឆ្នាំ ២០៣៤។
សូមជម្រាបថា ជាមួយនឹងការរីកខ្លួនកាន់តែខ្លាំងនៃប្រទេសមហាអំណាចសេដ្ឋកិច្ចពិភពលោកធំៗ បានធ្វើឲ្យទំហំសេដ្ឋកិច្ចពិភពលោកទាំងមូលត្រូវបានគេរំពឹងថា នឹងកើនឡើងដល់ ១០០ទ្រីលានដុល្លារអាមេរិកនៅឆ្នាំ២០២២ខាងមុខនេះ ដែលជាចំនួនមួយច្រើនបំផុតលើកដំបូងសម្រាប់សកលលោក៕None
