លោកស្រីបានបន្តថា អាមេរិកនៅបន្តអនុវត្តពាណិជ្ជកម្មជាមួយចិនដោយប្រើប្រាស់អត្រាពន្ធគយដូចមុនដដែល រហូតដល់មានការវាយតម្លៃសារជាថ្មីនៅពេលខាងមុខ ប្រសិនបើចិនមានការប្តេជ្ញាចិត្តជាថ្មីក្នុងការសម្របសម្រួលបញ្ហាពាណិជ្ជកម្មជាមួយអាមេរិក។
ពុំទាន់មានការឆ្លើយតបជាក់លាក់ណាមួយ ពីភាគីចិនចំពោះវិធានការរបស់អាមេរិកនោះទេ ប៉ុន្តែគេសង្កេតឃើញថា ជារឿយៗ ចិនតែងតែពន្លយជាពាក្យពេចន៍ខ្លាំងៗមកកាន់អាមេរិកវិញ ក្នុងអត្ថន័យមិនសូវចង់សម្របសម្រួលជាមួយអាមេរិកនោះទេ។
អត្ថបទទាក់ទង
កន្លងមក មន្ត្រីជាន់ខ្ពស់ចិនតែងចេញមកនិយាយថា ចិននឹងមិនអនុញ្ញាតឲ្យអាមេរិកបំផ្លាញផលប្រយោជន៍ខ្លួននោះទេ ថែមទាំងបានអះអាងថា ខ្លួននឹងធ្វើអ្វីគ្រប់យ៉ាងដើម្បីការពារប្រយោជន៍ជាតិនិងប្រជាជនចិន។
សូមបញ្ជាក់ថា នៅចំពោះមុខការបង្កើនរនាំងពន្ធគយទៅវិញទៅមកក្នុងបរិបទនៃសង្រ្គាមពាណិជ្ជកម្មរវាងចិននិងអាមេរិក ប្រទេសចិនត្រូវបានគេរាយការណ៍ថា បានចំណាយប្រាក់ដល់ទៅជាង ២០០ពាន់លានដុល្លារបន្ថែមទៀក្នុងមួយឆ្នាំៗ ដើម្បីទិញទំនិញពីសហរដ្ឋអាមេរិក៕
None
