Popular

កិច្ចប្រជុំកំពូលដើម្បីប្រជាធិបតេយ្យរយៈពេល២ថ្ងៃ ដែលរៀបចំឡើងដោយសហរដ្ឋអាមេរិក ក្រោមរដ្ឋបាលលោកចូ បៃឌិន ត្រូវបានបិទបញ្ចប់កាលពីថ្ងៃសុក្រទី១០ធ្នូ សប្តាហ៍មុននេះហើយ ប៉ុន្តែទោះបានត្រូវចប់ទៅហើយក្តី កិច្ចប្រជុំដែលមិនសូវមានផ្លែផ្កាខាងលើនេះ បានរងការរិះគន់យ៉ាងដំណំពីប្រទេសចិន និង រុស្សី ចាប់តាំងពីមិនទាន់បើកកិច្ចប្រជុំ រហូតមកដល់ក្រោយកិច្ចប្រជុំ។ ជាក់ស្តែង ចិន នៅចុងសប្ដាហ៍មុននេះ បានប្រកាសចាត់ទុក លទ្ធិប្រជាធិបតេយ្យនៅសហរដ្ឋអាមេរិក ថាជាអាវុធប្រល័យលោក។ នេះបើតាមការចុះផ្សាយដោយសារព័ត៌មានអន្តរជាតិធំជាច្រើន។