#ការដោះដូរពាណិជ្ជកម្ម

សហរដ្ឋអាមេរិក គឺជាដៃគូពាណិជ្ជកម្មធំលំដាប់ទី២ របស់កម្ពុជា បន្ទាប់ពីប្រទេសចិន ថែមទាំងជាទីផ្សារគោលដៅសម្រាប់នាំចេញទំនិញសំខាន់ៗ ជាពិសេសផលិតផលកាត់ដេរវាយភណ្ឌ សម្លៀកបំពាក់និងស្បែកជើង ជាដើម។ ក៏ប៉ុន្តែ បើទោះជាបែបនេះក្ដី បញ្ហាប្រឈមរបស់ពិភពលោកដែលបានកើតឡើងជាបន្តបន្ទាប់ នាពេលកន្លងមក ក៏បានធ្វើឲ្យប៉ះពាល់យ៉ាងធ្ងន់ធ្ងរដល់ការធ្វើពាណិជ្ជកម្មរវាងប្រទេសទាំងពីរ ដែលធ្វើឲ្យទំហំពាណិជ្ជកម្មទ្វេភាគីរវាងកម្ពុជា-អាមេរិក បានធ្លាក់ចុះនៅមួយរយៈចុងក្រោយ។