#សេដ្ឋកិច្ចកម្ពុជា

នៅឆ្នាំ២០២២ សេដ្ឋកិច្ចសាកលលោក ត្រូវបានគំរាមកំហែងដោយមេរោគបំប្លែងថ្មី អូមីក្រុង ដោយក្នុងនោះ អត្រាកំណើនសេដ្ឋកិច្ចពិភពលោកត្រូវបានគេព្យាករថានឹងមានទាបជាងការរំពឹងទុក។ តាមការកត់សម្គាល់ពីធនាគារជាតិនៃកម្ពុជា បានឲ្យដឹងថា សម្រាប់ប្រទេសកម្ពុជា ក៏មិនខុសពីប្រទេសជាច្រើនទៀត នៅទូទាំងពិភពលោកដែរ ពោលគឺកំពុងប្រឈមនឹងហានិភ័យនៃការរាតត្បាតកូវីដ១៩ដូចគ្នា ហើយការប្រឈមនេះ ក៏អាចនឹងនាំទៅរកការដាក់ចេញវិធានការការពារតឹងរ៉ឹង ដែលអាចបង្អាក់ដំណើរការលិតកម្ម និងសកម្មភាពសេដ្ឋកិច្ចក្នុងស្រុកផងដែរ។