#វិស័យពាណិជ្ជកម្ម

ជាយូរណាស់មកហើយដែលបណ្ដាអ្នកមានទ្រព្យសម្បត្តិស្ដុកស្ដម្ភនៅអាស៊ី បានចាត់ទុកសហរដ្ឋអាម៉េរិក ជាគោលដៅកំពូលសម្រាប់ការវិនិយោគរបស់ពួកគេ ជាពិសេសការវិនិយោគលើភាគហ៊ុន។ ប៉ុន្តែពេលនេះពួកគេបានចាប់ផ្ដើមបាត់បង់ទំនុកចិត្ត និងរារែកក្នុងការវិនិយោគលើភាគហ៊ុនអាម៉េរិក ក្រោយប្រធានាធិបតី ដូណាល់ ត្រាំ បានដំឡើងពន្ធគយបដិការខ្ពស់កប់ពពកលើបណ្ដាប្រទេសជាដៃគូពាណិជ្ជកម្ម និងប្រើពាក្យសម្ដីវាយប្រហារលើឯករាជ្យភាពរបស់ធនាគារកណ្ដាលអាម៉េរិក ដែលធ្វើឱ្យពិភពលោកក្រឡាប់ចាក់។