#វិស័យទេសចរណ៍

ដោយមើលឃើញពីភាពកកស្ទះនៅតាមព្រលានយន្តហោះដោយសារតែកំណើនភ្ញៀវទេសចរទៅកម្សាន្តនៅវៀតណាមមានចំនួនកាន់តែច្រើនឡើងធ្វើឱ្យពួកគេរង់ចាំយូរនៅព្រលានយន្តហោះ ប្រទេសក្បែរខាងកម្ពុជាមួយនេះកំពុងសម្លឹងរកការពង្រីកចំនួនអាកាសយានដ្ឋានបន្ថែមទៀត ដើម្បីជួយសម្រួល និងជំរុញកំណើនក្នុងវិស័យទេសចរណ៍ និងពង្រីកខ្សែច្រវាក់ផ្គត់ផ្គង់។ យ៉ាងណាមិញបើតាមការអះអាងរបស់លោកនាយករដ្ឋមន្ត្រីវៀតណាម ផាម មិញ ជិញ (Pham Minh Chinh) កង្វះខាតព្រលានយន្តហោះនៅទីក្រុងហូជីមិញកំពុងរារាំងសេដ្ឋកិច្ចរបស់វៀតណាម។ នេះបើតាមការចេញផ្សាយរបស់សារព័ត៌មានធំៗជាច្រើន។