#វិស័យធនាគារ

ប្រមុខរាជរដ្ឋាភិបាលកម្ពុជា និងអ្នកជំនាញបានចាត់ទុកវិស័យធនាគារ និងហិរញ្ញវត្ថុ ប្រៀបដូចជាបេះដូងក្នុងការជួយទ្រទ្រង់ដំណើរការ និងអភិវឌ្ឍន៍សេដ្ឋកិច្ចជាតិ ក៏ដូចជាជួយជំរុញការធ្វើពាណិជ្ជកម្ម និងទាក់ទាញវិនិយោគិនបរទេសឲ្យចូលមកវិនិយោគនៅកម្ពុជា។ ស្របពេលបច្ចុប្បន្ន វិនិយោគិនបរទេសកាន់តែច្រើនបានបង្ហាញការអារម្មណ៍វិនិយោគនៅកម្ពុជា សម្ដេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ជំរុញឱ្យប្រព័ន្ធធនាគារនៅកម្ពុជា បង្កើនការផ្តល់សេវាកម្មឲ្យកាន់តែទូលំទូលាយសំដៅធានាបាននូវសុខភាពសេដ្ឋកិច្ចឲ្យកាន់តែប្រសើរ។