#វិស័យការពារជាតិ

កងកម្លាំងប្រដាប់អាវុធភូមិន្ទថៃ (RTARF) បានចេញសេចក្ដីថ្លែងការណ៍មួយដោយច្រានចោលព័ត៌មានដែលថា ថៃនឹងដោះលែងកងកម្លាំងកម្ពុជា ទាំង១៨រូប ដែលយោធាថៃ បានចាប់ និងឃុំខ្លួនដោយខុសច្បាប់ជិត៣ខែកន្លងមកនេះ និងបានចាត់ទុកព័ត៌មាននេះជាព័ត៌មានមិនពិត។ ការចេញមកអះអាងបែបនេះធ្វើឡើងក្រោយប្រមុខការទូតកម្ពុជា បានបញ្ជាក់កាលពីពេលថ្មីៗថា កម្ពុជា និងថៃ បានឯកភាពគ្នាលើកិច្ចព្រមព្រៀងសន្តិភាព ដែលរំពឹងអាចចុះហត្ថលេខានៅក្រៅកិច្ចប្រជុំអាស៊ាននៅចុងខែតុលា នេះ ហើយនៅក្នុងកិច្ចព្រមព្រៀងនេះ ភាគីថៃ យល់ព្រមដោះលែងកងកម្លាំងកម្ពុជា ទាំង១៨រូប។