#វិស័យអាកាសចរណ៍

បើមិនមានអ្វីប្រែប្រួលទេ អាកាសយានដ្ឋានអន្តរជាតិភ្នំពេញ នឹងបិទប្រតិបត្តិការនៅពេលអាកាសយានដ្ឋានអន្តរជាតិតេជោ សម្ពោធដាក់ឱ្យដំណើរការនៅអំឡុងខែកក្កដា ឆ្នាំ២០២៥ នេះ។ ក្រោយបិទប្រតិបត្តិការ បុគ្គលិកទាំងអស់ដែលបម្រើការងារនៅក្នុងអាកាសយានដ្ឋានចាស់នេះ នឹងត្រូវផ្ទេរទៅបម្រើការងារនៅអាកាសយានដ្ឋានអន្តរជាតិថ្មី ដែលការផ្ទេរអាចនឹងធ្វើឡើងនៅក្នុងត្រីមាសទី២ ឆ្នាំនេះ។ គួរបញ្ជាក់ថា អាកាសយានដ្ឋានអន្តរជាតិតេជោស្ថិតក្នុងគម្រោងស្ថាបត្យកម្មដ៏ធំ និងមានឥទ្ធិពលបំផុតលើពិភពលោកទាំង១១នៅឆ្នាំ២០២៥ នេះ។