សាកទាយមើល៍ ! តើជាតិសាសន៍ណាអានច្រើនជាងគេ?

នៅពេលនិយាយដល់ការអានក្នុងផ្នត់គំនិតរបស់មនុស្សភាគច្រើនគិតថា ប្រជាជននៅបណ្តាប្រទេសលោកខាងលិចគឺជាអ្នកដែលនិយមចូលចិត្តអានជាងគេ។

ប្រជាជនឥណ្ឌាចំណាយពេលអានច្រើនជាងគេបំផុតលើពិភពលោក

ការអះអាងនេះ ក៏ដោយសារគេឃើញបណ្តាជនជាតិស្បែកស ច្រមុះស្រួចទាំងនោះតែងដាក់សៀវភៅជាប់ខ្លួននៅពេលធ្វើដំណើរតាមរថយន្ត រថភ្លើងនិងយន្តហោះជាដើម។

ការសន្និដ្ឋានបែបនេះគឺមិនត្រឹមត្រូវនោះឡើយ។ មិនមែនអាមេរិក អឺរ៉ុបឬក៏អូស្ត្រាលីនោះឡើយ ការពិតប្រជាជននៅអាស៊ីវិញទេដែលជាប់ចំណាត់ថាជាអ្នកដែលចំណាយពេលវេលាច្រើនជាងគេបំផុតក្នុងការអាន។

ជនជាតិឥណ្ឌាចំណាយពេលច្រើនជាងគេបំផុតលើការអាន

តាមការស្រាវជ្រាវរបស់The NOP World Culture Score ទៅលើមនុស្ស៣ម៉ឺននាក់មកពីបណ្តាប្រទេសចំនួន៣០ នៅជុំវិញពិភពលោក ដែលគេបាន ផ្សព្វផ្សាយកាលពីឆ្នាំ២០១៥ បង្ហាញថា ឥណ្ឌាជាប្រទេសជាប់ចំណាត់ថ្នាក់លេខ១ដែលប្រជាជនចំណាយពេលអានច្រើន ជាងគេ ដោយគេបាន ចំណាយពេលរហូតដល់ជាង ១០ម៉ោងក្នុង១សប្តាហ៍។

បន្ទាប់ មកប្រទេសដែលជាប់ចំណាត់ថ្នាក់លេខ២ គឺរាជាណាចក្រថៃឡង់ដ៍ ដែលនៅជាប់កម្ពុជា ដោយពលរដ្ឋថៃម្នាក់ចំណាយពេលប្រហែលជាង៩ម៉ោងក្នុង១សប្តាហ៍សម្រាប់ អាន។

មហាយក្សចិនស្ថិតក្នុងលំដាប់ថ្នាក់លេខ៣ដោយពលរដ្ឋ ចិនម្នាក់ចំណាយពេល៨ម៉ោងសម្រាប់អានក្នុង១សប្តាហ៍។ ចំណែកប្រទេសដែលស្ថិតនៅលេខរៀងចុងក្រោយគឺលេខ៣០នោះគឺប្រទេស កូរ៉េខាងត្បូង ដោយពលរដ្ឋនៅក្នុងប្រទេសនេះបានចំណាយពេលប្រហែលជា៣ម៉ោងក្នុង១ សប្តាហ៍សម្រាប់ការអានគឺស្ថិតនៅបន្ទាប់ពីជប៉ុនដែលបានចំណាយពេល ប្រហែលជា៤ម៉ោងជារៀងរាល់សប្តាហ៍សម្រាប់ការអាន៕

ប្រភព៖ www.prnewswire.com