វុធ ច័ន្ទតារា

រំលងបានតែមួយថ្ងៃប៉ុណ្ណោះ ក្រោយសាកល្បងមីស៊ីលប្រដេញ ស្រាប់តែនៅថ្ងៃព្រហស្បតិ៍ទី២៧មករានេះ កូរ៉េខាងជើងត្រូវបានយោធាកូរ៉េខាងត្បូងរាយការណ៍ថា បានបន្តបាញ់សាកល្បងមីស៊ីលជាលើកទី៦របស់ខ្លួនថ្មីបន្ថែមទៀត។ មីស៊ីលដែលបានហោះទៅធ្លាក់ក្នុងដែនសមុទ្រភាគខាងកើតរបស់កូរ៉េខាងជើងនៅថ្ងៃព្រហស្បតិ៍នេះ ជាប្រភេទមីស៊ីលបាលីស្ទិករយៈចំងាយខ្លី។ ខុសប្លែកពីមីស៊ីលដែលបានសាកល្បងកាលពី ពីរថ្ងៃមុន ដែលជាមីស៊ីលប្រដេញហោះក្នុងកំពស់ទាប អាចគេចចេញពីរ៉ាដា។ មីស៊ីលបាលីស្ទិករយៈចំងាយខ្លីនេះ គេគេបាញ់ហោះទៅលើលំហអាកាស មុននឹងធ្លាក់ចុះសំដៅចំគោលដៅតែម្តង។