វុធ ច័ន្ទតារា

ប្រធានាធិបតីចិន លោក ស៊ី ជីនពីង កាលពីថ្ងៃច័ន្ទទី២២វិច្ឆិកា អំឡុងកិច្ចប្រជុំកំពូលពិសេសអាស៊ាន-ចិន បានប្រកាសពីគំនិតផ្តួចផ្តើមសំខាន់ៗជាច្រើន ដើម្បីជំរុញកិច្ចសហប្រតិបត្តិការសេដ្ឋកិច្ចរវាងប្រទេសចិន និងអាស៊ាន។ ក្នុងចំណោមគំនិតផ្តួចផ្តើមថ្មីទាំងនោះកំពូលមេដឹកនាំរដ្ឋចិន បានបញ្ជាក់ពីគោលបំណងមួយ ចង់បង្កើនការបញ្ជាទិញផលិតផលកសិកម្មពីតំបន់អាស៊ានទ្វេដង ដែលមានទំហំទឹកប្រាក់ប្រមាណ ១៥០ពាន់លានដុល្លារអាមេរិក ក្នុងរយៈពេល៥ឆ្នាំខាងមុខនេះ។ នេះបើតាមការចុះផ្សាយពីកាសែតចិនជាភាសាអង់គ្លេស Global Times។