វុធ ច័ន្ទតារា

ក្រុមហ៊ុនទូរគមនាគមន៍ចិនដ៏ធំ China Telecom ដែលត្រូវបានគេស្គាល់ថា ជារឿយៗរមែងរងសម្ពាធ ការហាមប្រាម និងទណ្ឌកម្មពីរដ្ឋាភិបាលអាមេរិក ជាពិសេសអាជីវកម្មរបស់ខ្លួនក្នុងផ្សារភាគហ៊ុនក្រុងញូវយ៉ក ពេលនេះបានប្រកាសពីគម្រោងបង្កើនទំហំភាគហ៊ុនរបស់ខ្លួនក្នុងផ្សារហ៊ុនទីក្រុងសៀងហៃរបស់ប្រទេសចិនឲ្យកើនដល់ជាង ៤៧ពាន់លានយ័ន ឬស្មើនឹងជាង ៧ពាន់៣រយលានដុល្លារអាមេរិក ដែលចំនួននេះនឹងក្លាយជាទំហំបោះផ្សាយលក់ភាគហ៊ុនធំជាងគេបង្អស់នៅក្នុងពិភពលោក នៅក្នុងឆ្នាំនេះ។ នេះបើតាមការចុះផ្សាយដោយសារព័ត៌មាន Bloomberg។