​ ខេមបូណូមីស

ទោះបីជាស្ថានភាពសេដ្ឋកិច្ចសហរដ្ឋអាម៉េរិកមកដល់ពេលនេះបានបង្ហាញភាពវិជ្ជមាន ហើយភាពតានតឹងលើបញ្ហាសម្ពាធអតិផរណាកំពុងតែធូរស្រាលក៏ពិតមែន ប៉ុន្តែអ្នកជំនាញនៅតែបន្តពញ្ញាក់ឱ្យមានការប្រុងប្រយ័ត្ន បើទោះបីអត្រាការប្រាក់ស្ថិតក្នុងស្ថានភាពមិនប្រែប្រួលក្តី។ អត្រាអតិផរណានៃស្ថានភាពសេដ្ឋកិច្ចអាម៉េរិក បានស្រកចុះពី៦,៥%នៅដើមឆ្នាំ២០២២ មកនៅត្រឹម២,៦% នៅចុងឆ្នាំ២០២៣។ ប៉ុន្តែធនាគារកណ្តាលអាម៉េរិកបានដាក់ផែនការបញ្ចុះសម្ពាធអតិផរណានេះឲ្យដល់កម្រិតប្រមាណជា២ %។