​ ខេមបូណូមីស

ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅថ្ងៃទី ១២ ខែមេសា ឆ្នាំ២០២៣ បានផ្ដល់កិត្តិយសដ៏ខ្ពស់ខ្ពស់ ដោយអនុញ្ញាតឲ្យក្រុមការងារសារព័ត៌មានឌីជីថល ខេមបូណូមីស ដែលដឹកនាំដោយលោក ស៊ឺន សាយ ជាអគ្គនាយក បានចូលជួបសម្តែងការគួរសម។ ក្នុងឱកាសនោះ ឯកឧត្តមរដ្ឋមន្ត្រី ក៏បានគាំទ្រ និងឯកភាពជាគោលការណ៍ ចំពោះសំណើស្វែងរកកិច្ចសហប្រតិបត្តិការរវាងសារព័ត៌មានឌីជីថល​ខេមបូណូមីស ជាមួយនឹងទូរទស្សន៍ជាតិកម្ពុជា (ទទក) និងអង្គភាពទីភ្នាក់ងារព័ត៌មានកម្ពុជា (AKP) ដើម្បីពង្រីកការផ្សព្វផ្សាយព័ត៌មានសេដ្ឋកិច្ចឲ្យបានកាន់តែទូលំទូលាយ។