មង្គល ចាន់

ក្រុមសេដ្ឋវិទូរបស់ធនាគារអភិវឌ្ឍន៍អាស៊ី បានអះអាងថា កម្រិតបំណុលសាធារណៈរបស់កម្ពុជាបច្ចុប្បន្ននៅតែមានកម្រិតទាបនៅឡើយ ដែលផ្ដល់នូវលទ្ធភាពខ្ពស់ក្នុងការខ្ចីបំណុលបន្ថែមទៀត ពោលគឺបើធៀបនឹងប្រទេសដទៃទៀតកម្រិតបំណុលសាធារណៈរបស់កម្ពុជា គឺនៅមានទាបជាងគេដល់ទៅ ៣០%ឯណោះ។ ទោះយ៉ាង ក្រុមសេដ្ឋវិទូធនាគារ ADB បានគូសបញ្ជាក់ថា រាជរដ្ឋាភិបាលក៏ត្រូវតែធ្វើការតាមដានវិភាគកម្រិតបំណុលសាធារណៈរបស់ខ្លួនឲ្យបានទៀងទាត់ផងដែរ ដើម្បីធានាឲ្យបាននូវស្ថិរភាពហិរញ្ញវត្ថុកម្រិតម៉ាក្រូ។