តាមប្រភពព័ត៌មានបានឲ្យដឹងទៀតថា ក្រុមហ៊ុនចិន Alibaba នឹងក្លាយជាវិនិយោគិនតែមួយគត់ នៅក្នុងជុំមូលនិធិវិនិយោគនេះ ហើយក្រុមហ៊ុនAlibaba នឹងចំណាយចំណែកនៃមូលមូលនិធិ ដើម្បីទទួលបានភាគហ៊ុនមួយចំនួនរបស់ Grab ដែលកាន់កាប់ដោយក្រុមហ៊ុន Uber Technologies Inc។
Uber បានសម្រេចទុកទីផ្សារប្រតិបត្តិការនៅអាស៊ីអាគ្នេយ៍ទៅឲ្យក្រុមហ៊ុន Grab គ្រប់គ្រងតាំងតែពីខែមីនា ឆ្នាំ២០១៨ ដោយ Uber បានកាន់កាប់ភាគហ៊ុននៃអាជីវកម្មរបស់ Grab ចំនួន ២៧,៥%។
ក្រុមហ៊ុន Grab ដែលត្រូវបានគេប៉ាន់ប្រមាណថា មានតម្លៃ ១៤ពាន់លានដុល្លារ និងមានខ្នងធំនៅពីក្រោយ គឺក្រុមហ៊ុនវិនិយោគដ៏សម្បើម Softbank Corp។ បច្ចុប្បន្ន ក្រុមហ៊ុន Grab ក៏បានពង្រីកខ្លួនក្នុងសេវាកម្មហិរញ្ញវត្ថុ ការដឹកជញ្ជូនអាហារ និងការទូទាត់ចល័តផងដែរ។
នៅក្នុងខែ មិថុនា ក្រុមហ៊ុន Grab បានប្រកាសកាត់បន្ថយចំនួនបុគ្គលិក ៥% ដោយសារតែត្រូវការកាត់ការចំណាយនៅចំពេលក្រុមហ៊ុនមានកំណើនយឺត៕
