មង្គល ចាន់

តម្លៃប្រេងនៅថ្ងៃចន្ទ ដើមសប្ដាហ៍នេះ គឺបានរំកិលឡើងបន្តិចទៀតហើយ នៅគ្រាដែលអ្នកវិនិយោគ មានជំនឿចិត្តប្រសើរឡើងវិញ ក្រោយពីមានការបង្ហាញថា មេរោគបំប្លែងថ្មី អូមីក្រុង មិនអាចបណ្ដាលឲ្យមនុស្សធ្លាក់ខ្លួនឈឺធ្ងន់ធ្ងរនោះទេ។ អ្នកវិនិយោគជឿជាក់ថា ផលប៉ះពាល់របស់មេរោគបំប្លែងថ្មី ទៅលើតម្រូវការប្រេងសកលលោក ក៏ទំនងជានៅមានកម្រិតនៅឡើយ ពោលគឺ មិនជះឥទ្ធិពលធ្ងន់ធ្ងរដល់ទីផ្សារសកលនោះទេ។ នេះបើតាមទីភ្នាក់ងារសារព័ត៌មានរ៉យទ័រ។