សោម ស្រីពេជ្រ

កំពង់ផែទេសចរណ៍អន្តរជាតិ ខេត្តកំពត តម្លៃជាង៩លានដុល្លារ ដែលបានបញ្ចប់ការសាងសង់ជាស្ថាពរតាំងពីខែមិថុនា ឆ្នាំ២០២២ កន្លងទៅ និងបានពន្យាពេលដាក់ឱ្យដំណើររហូតមកទល់ពេលនេះ អាចនឹងបើកឱ្យប្រើប្រាស់ជាផ្លូវការក្នុងពេលឆាប់ខាងមុខៗនេះ។ បើតាមការគូសបញ្ជាក់របស់មន្ត្រីជាន់ខ្ពស់ក្រសួងទេសចរណ៍ បច្ចុប្បន្នក្រុមការងារអន្តរក្រសួង កំពុងដំណើរការនីតិវិធីជ្រើសរើសក្រុមហ៊ុនដើម្បីគ្រប់គ្រង និងធ្វើប្រតិបត្តិលើគម្រោងកំពង់ផែទេសចរណ៍អន្តរជាតិមួយនេះ។