សោម ស្រីពេជ្រ

ក្រោយផ្ទុះសង្គ្រាមរវាងកងកម្លាំងរដ្ឋាភិបាលអ៊ីស្រាអែល ជាមួយក្រុមហាម៉ាស ប៉ាឡេស្ទីន កាលពីចុងសប្តាហ៍មុន បានជំរុញឱ្យតម្លៃទំនិញសំខាន់ៗមួយចំនួន ពិសេសប្រេងឥន្ធនៈ បានហក់ឡើងថ្លៃមួយរំពេច។ បើទោះបីតម្លៃប្រេងលក់រាយនៅកម្ពុជា បានធ្លាក់ចុះបន្តិចវិញក្តី តែមន្ត្រីជាន់ខ្ពស់ក្រសួងពាណិជ្ជកម្មវាយតម្លៃថា តម្លៃប្រេងសកលរួមទាំងកម្ពុជា អាចនឹងបន្តកើនឡើង ប្រសិនបញ្ហាសង្គ្រាមនៅអ៊ីស្រាអែល ដែលជាក្តីបារម្ភថ្មីសម្រាប់សេដ្ឋកិច្ចពិភពលោកបន្តអូសបន្លាយពេលយូរបន្ថែមទៀត។