តើ​អ្នក​ដឹងទេ?

ក្រុមប្រទេសលោកខាងលិច បានព្រមាននៅថ្ងៃពុធទី១៦កុម្ភៈថា រុស្សីនៅតែបង្កើនវត្តមានកងទ័ពរបស់ខ្លួននៅតាមបន្ទាត់ព្រំដែនជាមួយនឹងអ៊ុយក្រែន ក្រោយពេលដែលមានសេចក្តីរាយការណ៍មួយពីប្រទេសអេស្តូនីថា កងទ័ពរុស្សីកំពុងធ្វើការចល័តយ៉ាងសកម្ម ដែលទំនងជាចង់វាយប្រហារកាន់កាប់ទីតាំងសំខាន់ៗ។ ការអះអាងទាំងពីរនេះ គឺផ្ទុយស្រឡះពីអ្វីដែលទីក្រុងម៉ូស្គូ បានលើកឡើងកាលពីថ្ងៃអង្គារសប្តាហ៍នេះ ពោលគឺក្រសួងការពារជាតិរុស្សីបានប្រកាសពីការដកកងទ័ពមួយចំនួនចេញពីតំបន់ព្រំដែនអ៊ុយក្រែន ត្រឡប់ទៅបន្ទាយវិញ។