តើ​អ្នក​ដឹងទេ?

ទីបំផុតប្រធានសភាសហរដ្ឋអាមេរិកលោក ខេវិន ម៉េកខាធី នឹងរៀបចំកិច្ចប្រជុំជាមួយប្រធានាធិបតីតៃវ៉ាន់ លោកស្រី សៃ អ៊ីងវិន នៅទីក្រុងឡូសអេនជឺឡេស នៅថ្ងៃពុធ ទី៥ ខែមេសា។ មហាយក្សចិនបានព្រមានប្រធានសភាអាមេរិករូបនេះកាលពីថ្ងៃអង្គារ ឱ្យចៀសវាងជួបលោកស្រី សៃ អ៊ីងវិន នៅទីនោះ ព្រោះវាជាការជាន់ដានកំហុសអតីតកាលដ៏គ្រោះថ្នាក់មួយ។ ចិននិយាយទៀតថា ជំនួបទ្វេភាគីនេះនឹងមិនជួយអ្វីដល់សន្តិភាព និងស្ថិរភាពក្នុងតំបន់នោះទេ វាមានតែធ្វើឱ្យពលរដ្ឋចិនរួបរួមគ្នាប្រឆាំងនឹងសត្រូវតែមួយប៉ុណ្ណោះ។ នេះបើតាមការចេញផ្សាយរបស់សារព័ត៌មានរ៉យទ័រ។