ពាណិជ្ជករ​ជោគជ័យ

ក្រុមហ៊ុនផលិតរថយន្ដនៅទូទាំងពិភពលោកបានកាត់បន្ថយការដំឡើងរថយន្ដរបស់ខ្លួន ដោយសារតែបញ្ហាកង្វះខាតបន្ទះឈីប។ ការខ្វះបន្ទះឈីបសម្រាប់ផលិតរថយន្តនេះដែរធ្វើឲ្យ រោងចក្រត្រូវបានផ្អាក ហើយក្រោយមានការស្ទុះងើបឡើងវិញលឿននៃសេដ្ឋកិច្ចក្រោយពីវិបត្តិកូវីដ-១៩ ធ្វើឲ្យតម្រូវការកើនខ្ពស់។ បញ្ហានេះ ក៏បានធ្វើឲ្យការលក់រថយន្ដនៅក្នុងប្រទេសចិន នៅខែមិថុនាបានរអិលធ្លាក់ចុះជាង១២%។ ប៉ុន្ដែ សម្រាប់ការលក់ថយន្ដអគ្គសនីវិញនៅតែមានកំណើនរឹងមាំ។ នេះបើតាមការរាយការណ៍ដោយសារព័ត៌មាន South China Morning Post។