Latest

ថ្នាក់ដឹកនាំក្រសួងសាធារណការ និងដឹកជញ្ជូនសង្កេតឃើញថា ការស្ថាបនាផ្លូវជាតិលេខ២ និងលេខ២២ ពីសំណាក់ក្រុមហ៊ុនកូរ៉េខាងត្បូង Hasan Engineering & Constructions នៅតែមានភាពយឺតយ៉ាវ ដែលធ្វើឲ្យមានការរិះគន់ពីសំណាក់ប្រជាពលរដ្ឋ និងអ្នកដំណើរ។ ថ្មីៗនេះ ក្រុមហ៊ុនសាងសង់ផ្លូវនេះ ក៏បានបន្តស្នើសុំពន្យារពេលសាងសង់៤ខែបន្ថែមទៀតដែរ ប៉ុន្តែ ក្រសួងសាធារណៈការមិនទាន់ឯកភាពនោះទេ ហើយកំពុងចាត់ឲ្យមន្ត្រីជំនាញចុះសិក្សាត្រួតពិនិត្យបន្ថែមលើបញ្ហានេះ។