របាយការណ៍បានបង្ហាញទៀតថា ការរឹតបន្តឹងនូវច្បាប់ចរាចរណ៍នេះ កើតមាននូវចំណុចវិជ្ជមាន ដោយប្រៀបធៀបថ្ងៃទី២ ជាមួយថ្ងៃទី០១ នៃការអនុវត្តនេះ បានឲ្យឃើញថា ករណីល្មើសច្បាប់មានការថយចុះច្រើន ដូចជាករណីម៉ូតូល្មើសថយចុះ ៦១៥គ្រឿង និងករណីរថយន្តល្មើសថយចុះ ៥២ គ្រឿង ។
គួរបញ្ជក់ថា កាលពីថ្ងៃទី១ ខែឧសភា ជាថ្ងៃដំបូងនៃការអនុវត្តរឹតបន្តឹងច្បាប់ចរាចរណ៍ ករណីម៉ូតូល្មើសមានចំនួនសរុប ៩០០គ្រឿង ក្នុងនោះមានអត់ពាក់មួកសុវត្ថិភាពចំនួន ៨៤៥គ្រឿង ឈប់លើសគំនូស ៤៧គ្រឿង និង៨គ្រឿងទៀតគ្មានផ្លាកលេខ។ ដោយឡែកថ្ងៃទី២ ឧសភា មានការថយចុះជាងថ្ងៃទី១ ដោយករណីម៉ូតូល្មើសមាន ២៨៥គ្រឿង ក្នុងនោះមានអត់ពាក់មួកសុវត្ថិភាពចំនួន២០៦គ្រឿង ឈប់លើសគំនូស ២៥គ្រឿង ម៉ូតូគ្មានផ្លាកលេខ២០គ្រឿង គ្មានបណ្ណបើកបរ៣គ្រឿង បើកម៉ូតូនិយាយទូរស័ព្ទ២គ្រឿង និងម៉ូតូអត់កញ្ចក់២៩គ្រឿង។
ចំពោះរថយន្តវិញ កាលពីថ្ងៃទី១ ឧសភា មានករណីល្មើសសរុបចំនួន៨០គ្រឿង និងថ្ងៃទី២ ឧសភា មានការថយចុះ គឺមានតែ២៨គ្រឿងប៉ុណ្ណោះ ក្នុងករណីល្មើសអត់ពាក់ខ្សែក្រវាត់មានចំនួនច្រើនជាងគេ។
អត្ថបទទាក់ទង!
គេសង្កេតឃើញថា ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ
តាម រយៈទំព័រហ្វេសបុកផ្លូវការរបស់ស្នងការដ្ឋាននគរបាលរាជធានីភ្នំពេញ បានស្រាយបំភ្លឺនូវការរិះគន់មួយចំនួន
នៅនៅឡុងពេលនៃការចាប់ផ្តើមអនុវត្តរឹតបន្តឹងច្បាប់ចរាចរណ៍ផ្លូវគោកនេះ។
នៅក្នុងនោះដែរ មានគណនីហ្វេសបុកមួយចំនួនបានធ្វើការវាយប្រហារមកលើសមត្ថកិច្ចថា មិនបានធ្វើការផ្សព្វផ្សាយ ណែនាំអប់រំ ដល់ប្រជាពលរដ្ឋអំពីច្បាប់នេះ ជាពិសេសមានហ្វេសបុកមួយបានចុះផ្សាយថា ស្រុកខ្មែរចាប់ពិន័យប្រជាពលរដ្ឋ ឯស្រុកថៃផ្តល់មួកដោយមិនធ្វើការពិន័យ ខណៈដែលក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ការណែនាំ អប់រំ ទាក់ទងករណីច្បាប់ចរាចរណ៍នេះត្រូវបានធ្វើឡើងជាយូរមកហើយនោះ ។
អគ្គស្នងការរងនគរបាលជាតិ បានអះអាងថា នឹងអនុវត្តការរឹតបន្តឹងច្បាប់ចរាចរណ៍នេះ ឲ្យមានតម្លាភាពរវាង មន្ត្រីមានសមត្ថកិច្ច និងប្រជាពលរដ្ឋសាមញ្ញដែរ៕
None
