តើកម្ពុជាមានការប្តេជ្ញាចិត្តអ្វីខ្លះ ក្នុងការចូលរួមដោះស្រាយបញ្ហាអាកាសធាតុ ជាមួយពិភពលោក?

ចំណុច ទី១ ការដាក់ឲ្យដំណើរការថាមពលពន្លឺព្រះអាទិត្យ ដែលមានទំហំ ៤០០ មេហ្កាវ៉ាត ដែលតំណាងឲ្យ១៥% នៃថាមពលរបស់កម្ពុជា។ ទី២ ការមិនបង្កើតនូវរោងចក្រថាមពលធ្យូងថ្មថ្មី ។ ទី៣ មិនមានការសាងសង់នូវទំនប់វារីអគ្គីសនីនៅតាមដងទន្លេមេគង្គ។ ទី៤ ការកាត់បន្ថយការបាត់បង់ព្រៃឈើត្រឹមពាក់កណ្ដាល នៅត្រឹមឆ្នាំ២០៣០ និងមិនមានការបញ្ចេញឧស្ម័នពីព្រៃឈើត្រឹមឆ្នាំ២០៤០ ខាងមុខនេះ។

ឯកឧត្តម សាយ សំអាល់ រដ្ឋមន្រ្តី ក្រសួង បរិស្ថាន និងជាប្រធានក្រុមប្រឹក្សាជាតិអភិវឌ្ឃន៍ ក្នុងកិច្ចប្រជុំកំពូលលើកទី២៦ ស្ដីអំពីការប្រែប្រូលអាកាសធាតុ (COP26) នៅទីក្រុងក្លាហ្កូ ចក្រភពអង់គ្លេស កាលពីថ្ងៃទី ១០ ខែវិច្ឆិកា ឆ្នាំ២០២១ បានមានប្រសាសន៍ថា មានគោលការណ៍៤  ចំនុចដែលកម្ពុជាត្រូវអនុវត្តន៍ នៅក្នុងការដោះស្រាយបញ្ហាអាសកាសធាតុនេះ មានដូចជា៖ ទី១ ការដាក់ឲ្យដំណើរការថាមពលពន្លឺព្រះអាទិត្យ ដែលមានទំហំ ៤០០ មេហ្កាវ៉ាត ដែលតំណាងឲ្យ១៥% នៃថាមពលរបស់កម្ពុជា។ ទី២ ការមិនបង្កើតនូវរោងចក្រថាមពលធ្យូងថ្មថ្មី។ ទី៣ មិនមានការសាងសង់នូវទំនប់វារីអគ្គីសនីនៅតាមដងទន្លមេគង្គ។ ទី៤ ការកាត់បន្ថយការបាត់បង់ព្រៃឈើត្រឹមពាក់កណ្ដាល នៅត្រឹមឆ្នាំ២០៣០ និងមិនមានការបញ្ចេញឧស្ម័នពីព្រៃឈើត្រឹមឆ្នាំ២០៤០ ខាងមុខនេះ។

ឯកឧត្តមបានគូសបញ្ជាក់ថា បញ្ហាហិរញ្ញវត្ថុអាកាសធាតុអន្តរជាតិ មិនទាន់គ្រប់គ្រាន់នៅឡើយ ជាពិសេសសម្រាប់ផ្នែកការបន្សាំដែលមានការលំបាកក្នុងការទទួលបានចំពោះប្រទេសដែលងាយរងគ្រោះបំផុតដោយសារអាកាសធាតុដូចជាកម្ពុជា ខណៈនេះឯកឧត្តម ក៏បានអំពាវនាវឲ្យប្រទេសអភិវឌ្ឍន៍ទាំងអស់ បង្កើនការរួមចំណែក ចំពោះយន្តការហិរញវត្ថុក្រោមអនុសញ្ញា ហើយជួយសម្រូលបន្ថែមទៀតក្នុងការទទួលមូលនិធិដោយផ្ទាល់ផងដែរ។

សូមបញ្ជាក់ថា កម្ពុជាបានដាក់ជូននូវរបាយការណ៍ Updated NDC ជាមួយនឹងគោលដៅកាត់បន្ថយការបញ្ចេញឧស្ម័ន ៤២% ត្រឹមឆ្នំា ២០៣០។ ជាងនេះកម្ពុជាកំពុងរៀបចំយុទ្ធសាស្រ្តអភិវឌ្ឍន៍រយៈពេលវែងប្រកបដោយអព្យាក្រឹតកាបូន ដើម្បីលើកកម្ពស់សកម្មភាពបញ្ចេញកាបូនតិច មានភាពធន់នឹងអាកាសធាតុ និងមានការអភិវឌ្ឍតាមបែបបរិយាប័ន្ន៕

អត្ថបទ ហួន ស្រីនីត​