តាមការរាយការណ៍ពីសារព័ត៌មាន VN Express របស់វៀតណាម នៅថ្ងៃពុធសប្ដាហ៍នេះ បានឲ្យដឹងថា ការនាំចេញទំនិញពីច្រកព្រំដែនវៀតណាមទៅកាន់ប្រទេសចិន ថ្មីៗនេះកំពុងមានឡានកុងតឺន័រជិត ២ពាន់គ្រឿន ដែលច្រើនជាង ៨០ ភាគរយជាមួយនឹងផលិតផលកសិកម្មស្រស់ បន្ដនៅតែជាប់គាំងនៅតាមច្រកព្រំដែនវៀតណាមជាមួយចិន ចំនួនបីច្រកដែលស្ថិតនៅក្នុងខេត្ត Lang Son ភាគខាងជើងប្រទេសវៀតណាម។
លោក Lieu Anh Minh អនុប្រធានមន្ទីរឧស្សាហកម្ម និងពាណិជ្ជកម្មខេត្ត Lang Son បាននិយាយថា ជាមួយនឹងការបន្តរឹតបន្តឹងវិធានការកូវីដ១៩របស់ប្រទេសចិន វានឹងត្រូវចំណាយពេលយ៉ាងហោចណាស់ពី ១០ ទៅ ១៥ ថ្ងៃដើម្បីអាចឱ្យឡានដឹកទំនិញអាចបើកឆ្លងកាត់បាន។ ជុំវិញបញ្ហានេះ អាជ្ញាធរខេត្តរបស់វៀតណាម ក៏បានរាយការណ៍ទៅក្រសួងឧស្សាហកម្ម និងពាណិជ្ជកម្មផងដែរ ដោយស្នើឱ្យមានការចរចាកម្រិតខ្ពស់ ដើម្បីដោះស្រាយបញ្ហាដែលកំពុងជាប់គាំងនេះ។
អត្ថបទគួរអាន
ជាមួយគ្នានេះ អាជ្ញាធរខេត្ត Lang Son ក៏បានស្នើទៅភាគីចិនថា នៅពេលពួកគេចូលទៅកាន់ប្រទេសចិន នោះពួកគេនឹងបិទទំនិញនៅក្នុងទូតកុងតឺន័រថយន្តឲ្យបានត្រឹមត្រូវ ដើម្បីធានាបញ្ជាក់ថាពីសុវត្ថិភាពការពារកូវីដ១៩។ ទាក់ទិននឹងការស្នើសុំនេះ អាជ្ញាធរចិនត្រូវបានគេដឹងថា កំពុងតែពិចារណាលើសំណើនេះ។
សូមជម្រាបថា ខេត្ត Lang Son ត្រូវបានបញ្ឈប់ការអនុញ្ញាតឲ្យមានការដឹកជញ្ជូនផ្លែឈើស្រស់រហូតដល់ថ្ងៃទី ២៥ ខែកុម្ភៈ។
រថយន្តកុងតឺន័រកកស្ទះតាមនៅព្រំដែនបានកើតឡើងតាំងពីចុងឆ្នាំ២០២១ បើទោះបីជាវាត្រូវបានដោះស្រាយម្តងជាពីរដងរួចមកហើយដែរក៏ដោយចុះ។ ប៉ុន្តែឥឡូវនេះ បញ្ហាដដែលនេះ កំពុងតែកើតឡើងវិញ ដែលធ្វើឲ្យមានការខាតបង់ដល់អ្នកនាំចេញ និងអ្នកដឹកជញ្ជូន។
គួរជម្រាបថា ប្រទេសចិន គឺជាទីផ្សារនាំចេញធំទីពីររបស់វៀតណាមសម្រាប់ផលិតផលកសិកម្ម រុក្ខាប្រមាញ់ និងនេសាទ បន្ទាប់ពីសហរដ្ឋអាមេរិក ខណៈចំណូលពីការនាំចេញផលិតផលទាំងនេះទៅកាន់ទីផ្សារចិនមានដល់ទៅជាង ៨ ពាន់លានដុល្លារក្នុងរយៈពេល ១១ នៃឆ្នាំ២០២១ ដែលស្មើនឹងជាង ១៩ ភាគរយនៃការនាំចេញកសិផលសរុបរបស់វៀតណាម៕
អត្ថបទ ស៊ើង និមល់
None
