បើតាមការស្រាវជ្រាវបានឲ្យដឹងថា មានពាក់កណ្ដាលនៃអ្នកដែលបានឆ្លើយតបទៅនឹងការសាកសួរបានឲ្យដឹងថា ប្រាក់ចំណូលរបស់ពួកគេបានធ្លាក់ចុះ ២០% ហើយភាគច្រើននៃពួកគេគឺជាអ្នកធ្វើការដែលមិនមានជំនាញ។
មាន១៧ភាគរយនៃអ្នកដែលបានឆ្លើយតបទៅនឹងការស្ទង់មតិ ដែលមានប្រាក់ចំណូលទាប ក្រោម៣២៣ ដុល្លារក្នុងមួយខែ បានឲ្យដឹងថា ក្រុមគ្រួសាររបស់ពួកគេត្រូវបានកាត់បន្ថយការចំណាយទៅលើការធ្វើដំណើរកម្សាន្ដ ទទួលអាហារនៅក្រៅផ្ទះ ទិញសម្លៀកបំពាក់ និងគ្រឿងអេឡិចត្រូនិក។
ការស្រាវជ្រាវរបស់ក្រុមហ៊ុនបារាំង Ipsos បានឲ្យដឹងទៀតថា មាន៣០% នៃអ្នកដែលត្រូវបានស្ទង់មតិបានឲ្យដឹងដែរថា ពួកគេបានកាត់បន្ថយភាពមមាញឹកនៃការទិញទំនិញតាមផ្សារទំនើប និងបានផ្លាស់ប្ដូរមកទិញតាមអនឡាញវិញ។
អត្ថបទទាក់ទង!
មាន២ភាគ៣ នៃអ្នកត្រូវបានស្ទង់មតិ បានរំពឹងថា ចំណូលរបស់ពួកគេ នឹងប្រសើរឡើងវិញនៅអនាគតដ៏ខ្លីខាងមុខនេះ ដោយសារតែវៀតណាម បានគ្រប់គ្រងការឆ្លងរីករាលដាលមេរោគកូវីដ-១៩ បានល្អ ដោយរយៈពេល៣ខែមកនេះ មិនមានការឆ្លងរីករាលដាលនៅក្នុងសហគមន៍នោះឡើយ។
មានប្រមាណតែ១២ ភាគរយ ប៉ុណ្ណោះ បានរំពឹងថា ប្រាក់ចំណូលរបស់ពួកគេនឹងធ្លាក់ចុះទៀតនៅក្នុងប៉ុន្មានខែខាងមុខនេះ។
ទិន្នន័យពីការិយាល័យស្ថិតិទូទៅវៀតណាម បានបង្ហាញថា មានពលរដ្ឋ៣១លាននាក់បានបាត់បង់ការងារ ឬបានជួបនូវប្រាក់ចំណូលធ្លាក់ចុះ ដោយសារតែបញ្ហាកូវីដ-១៩ ដោយមានផលប៉ះពាល់ប្រមាណជាង ៥៧%។ ជាមួយគ្នានេះ ប្រាក់ចំណូលជាមធ្យមនៅក្នុងវៀតណាម បានធ្លាក់ចុះ ប្រមាណ១០% នៅក្នុងត្រីមាសទី ២ នៅឆ្នាំនេះ ដែលមានមកនៅ២២៤ដុល្លារអាមេរិក៕
None
