ព័ត៌មាន

ក្រុមប្រឹក្សាសន្តិសុខអង្គការសហប្រជាជាតិ ដែលជាស្ថាប័ននីតិប្រតិបត្តិ​រៀបចំសណ្តាប់ធ្នាប់​ពិភពលោក និងមានភារកិច្ចស្នូលក្នុងការធានាសន្តិភាព និងសន្តិសុខអន្តរជាតិ កំពុងតែធ្លាក់ចុះឥទ្ធិពល និងខ្វះប្រសិទ្ធភាពយ៉ាងធ្ងន់ធ្ងរ។ សារព័ត៌មាន Al Jazeera បានរាយការណ៍ថា ដោយមើលឃើញពីវិបត្តិរបស់ស្ថាប័នការពារសន្តិសុខពិភពលោកនេះ អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គូទែរ៉េស (António Guterres) បានចេញមុខជំរុញឱ្យមានការកែទម្រង់រចនាសម្ព័ន្ធជាបន្ទាន់ ដើម្បីស្រោចស្រង់ប្រសិទ្ធភាពស្ថាប័នកំពូលមួយនេះឡើងវិញ។