តាមសេចក្ដីប្រកាសព័ត៌មានរបស់ក្រសួងសេដ្ឋកិច្ចនិងហិរញ្ញវត្ថុ បានឲ្យដឹងថា ទឹកប្រាក់ហិរញ្ញប្បទានចំនួន ៩០ លានដុល្លារអាមេរិក ដែលបានមកពីធនាគារអភិវឌ្ឍន៍អាស៊ីនេះ នឹងយកទៅប្រើប្រាស់លើកម្មវិធីអភិវឌ្ឍន៍ចំនួន ២ គឺកម្មវិធី អភិវឌ្ឍន៍វិស័យហិរញ្ញវត្ថុ ប្រកបដោយបិរយាប័ន្ន និងកម្មវិធីផ្គត់ផ្គង់ទឹកស្អាត និងអនាម័យជនបទ ជំហានទី៣។ ក្នុងនោះដែរ សម្រាប់កម្មវិធី អភិវឌ្ឍន៍វិស័យហិរញ្ញវត្ថុប្រកបដោយបរិយាប័ន្ន គ្រោងនឹងចំណាយទឹកប្រាក់អស់ ៤០ លានដុល្លារអាមេរិក និងកម្មវិធីផ្គត់ផ្គង់ទឹកស្អាត និងអនាម័យជនបទ ជំហានទី៣ គ្រោងចំណាយទឹកប្រាក់អស់ ជាង ៥៥ លានដុល្លារអាមេរិក។
អត្ថបទទាក់ទង!
បើតាម ការគូសបញ្ជាក់របស់ឯកឧត្តមឧបនាយករដ្ឋមន្ត្រី អូន ព័ន្ធមុនីរ័ត្ន បានឲ្យដឹងថាក្នុង កិច្ចសហប្រតិបត្តិការ ធនាគារអភិវឌ្ឍន៍អាស៊ី ដែលបានផ្ដល់ហិរញ្ញប្បទានសហប្រតិបត្តិការសរុបចំនួន ប្រមាណជាង ៣ពាន់ ៣រយ លានដុល្លារអាមេរិក ដោយគិតបញ្ចូលទាំងកិច្ចព្រមព្រៀងចំនួនពីរដែលបានចុះហត្ថលេខាថ្មីៗនេះ។
ក្នុងនោះដែរ ឥណទាន សម្បទានមានទឹកប្រាក់សរុបចំនួន ប្រមាណ ជាង២ ពាន់ ៨រយ លានដុល្លារអាមេរិក សម្រាប់អនុវត្តកម្មវិធីគម្រោងចំនួន ១១២ និងហិរញ្ញប្បទានឥតសំណងមានទឹកប្រាក់សរុបចំនួនប្រមាណ៥០០ លានដុល្លារអាមេរិក សម្រាប់អនុវត្តកម្មវិធី និងគម្រោងចំនួន ៥៧៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
